ভাৰতীয় দলৰ বিৰুদ্ধেই আক্ৰমনাত্মক হ’ব এগৰাকী ভাৰতীয় ক্ৰিকেটাৰ, অপেক্ষা টি-২০ বিশ্বকাপলৈ
ক্ৰিকেট প্ৰেমী দৰ্শকৰ অপেক্ষাৰ অন্ত পৰিবলৈ মাজত মাথো দুটা দিন। আৰম্ভ হ’বলৈ গৈ আছে টি-২০ বিশ্ব কাপ। ইতিমধ্যে ক্ৰিকেট দল বোৰো ৰাওনা হৈছে বিশ্বকাপ থলীলৈ বুলি। ৫ জুন তাৰিখে আৰম্ভ হ’ব ভাৰতৰ প্ৰথম খন খেল। প্ৰথমখন খেলত ভাৰতীৰ দলৰ বিৰুদ্ধে আছে আয়াৰলেণ্ড।
পাছে এইবাৰ ভাৰতীয় দলৰ বিৰুদ্ধে মাৰাত্মক ভাৱে খেলিবলৈ সাজু হৈছে ভাৰতৰে এগৰাকী খেলুৱৈ। পূৰ্বে ভাৰতৰ হৈয়ে খেলা খেলুৱৈ এইবাৰ বিশ্বকাপত খেলপথাৰত নামিব ভাৰতৰ বিৰুদ্ধে।
নিউয়ৰ্কত হ’ব লগা ১২ জুনৰ খেলত ভাৰতীয়ই নামিব ভাৰতীয়ৰ বিৰুদ্ধে। ভাৰতৰ বাহিৰে ভাৰতীয় ক্ৰিকেটাৰ থকা দলটোৱে হৈছে আমেৰিকা। আমেৰিকাৰ দলটোৰ প্ৰায় আধা সংখ্যক খেলুৱৈয়ে হৈছে ভাৰতীয় মূলৰ। তাতোকৈ ডাঙৰ কথা অধিক সংখ্যকেই ভাৰতৰ হৈ আণ্ডাৰ ১৯ বিশ্বকাপ খেলি ভাৰতক জয়ৰ সোৱাদ দি থৈছে।
আমেৰিকাৰ দলৰ কেপ্টেইনগৰাকীয়ে হৈছে ভাৰতৰ মনাংক পেটেল (Monank Patel)। ইয়াৰ বাহিৰে অন্য ভাৰতীয় খেলুৱৈ হৈছে- হৰমীত সিং (Harmeet Singh), জেচ্চী সিং (Jessy Singh), মিলিন্দ কুমাৰ (Milind Kumar), নিশাৰ্গ পেটেল (Nisarg Patel), নিতিশ কুমাৰ (Nitish Kumar), সৌৰভ নেত্ৰলভাকাৰ (Saurabh Nethralvakar)। ইয়াৰ বাহিৰে আমেৰিকাৰ দলটোত দুগৰাকী পাকিস্তানী খেলুৱৈয়ো স্থান পাইছে।
ইয়াৰে ভিতৰত বৰ্তমানে সবাতোকৈ আক্ৰমণাত্মক হৈ আছে সৌৰভ । ১৯৯১ চনত মুম্বাইত জন্ম হোৱা সৌৰভে ২০১০ৰ আণ্ডাৰ ১৯ বিশ্বকাপ দলত কে এল ৰাহুল, জয়দেৱ উনাদকট, মায়াংক আগাৰৱাল আদিৰ সৈতে খেলিছিল। পাছত ভাৰতীয় দলত স্থান নোপোৱাত আমেৰিকালৈ গুচি যায়।
পাছত ২০১৯ চনত আমেৰিকাৰ হৈ ক্ৰিকেট কেৰিয়াৰ আৰম্ভ কৰে. সৌৰবে বৰ্তমানলৈ আমেৰিকাৰ হৈ ৪৮ খন এদিনীয়া, ২৭ খন টি -২০ খেল খেলিছে। এদিনীয়া আন্তৰাষ্ট্ৰীয় খেলত ৭৩ টা আৰু টি-২০ আন্তৰাষ্ট্ৰীয় খেলত ২৭ টা উইকেট দখল কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
