মংগলবাৰে ভাৰত চৰকাৰে অহা ২৭ মাৰ্চৰ পৰা বাণিজ্যিক যাত্ৰী পৰিবহণকাৰী বিমান যাত্ৰাৰ সূচী পুনৰ আৰম্ভ কৰা হ’ব বুলি ঘোষণা কৰাৰ পিছতে স্পাইজেট, ইণ্ডিগ’ আদি বিমান পৰিবহণ সংস্থাৰ ষ্টক মাৰ্কেটত শ্বেয়াৰৰ মূল্য বৃদ্ধি পোৱা পৰিলক্ষিত হৈছে৷
ইণ্টাৰগ্লোব এভিয়েশ্যৰ শ্বেয়াৰ ১৬০০.০৫ কোটি টকাৰ পৰা আৰম্ভ হৈ ১২৭২৬ টকালৈ বৃদ্ধি পাইছে৷ প্ৰতিষ্ঠানটোৰ বজাৰত শ্বেয়াৰৰ মূল্য ৭.৯ শতাংশলৈ বৃদ্ধি পাইছে৷ ইয়াৰ ফলত ইণ্টাৰগ্লোব এভিয়েচনৰ বজাৰ কেপ ৬৫,৯১১ কোটি টকালৈ বৃদ্ধি পাইছে।
ইফালে বুধবাৰে স্পেইজেট শ্বেয়াৰো বৃদ্ধি পোৱা দেখা গ’ল৷ স্পেইজেটৰ শ্বেয়াৰ ৬.৫৮ শতাংশ বৃদ্ধি হৈছে৷ দিনটোত স্পাইচজেটৰ বজাৰ কেপ ৩,৫৭৪ কোটি টকালৈ বৃদ্ধি পাইছে।
লগতে পঢ়ক পৌৰসভা নিৰ্বাচনত কংগ্ৰেছৰ বিপৰ্যয় : পৰাজয়ৰ দায়িত্ব স্বীকাৰ সভাপতি ভূপেন বৰাৰ
উল্লেখ্য যে কেন্দ্ৰীয় চৰকাৰে মংগলবাৰে ঘোষণা কৰিছিল যে প্ৰায় দুটা বছৰৰ পিছত ২৭ মাৰ্চৰ পৰা আন্তঃৰাষ্ট্ৰীয় বিমান পুনৰ আৰম্ভ কৰিব৷ অসামৰিক বিমান পৰিবহন সঞ্চালকালয়ে (ডিজিচিএ) কোভিড-১৯ সংক্ৰমণ প্ৰতিহত কৰিবলৈ ২৩ মাৰ্চ, ২০২০ পৰা আন্তঃৰাষ্ট্ৰীয় বাণিজ্যিক যাত্ৰী সেৱা বন্ধ ৰাখিছিল।
অসামৰিক বিমান পৰিবহন মন্ত্ৰালয়ৰ এক বিজ্ঞপ্তিত কোৱা হৈছে, ‘‘সমগ্ৰ বিশ্বতে বৰ্ধিত টিকাকৰণ কভাৰেজক স্বীকৃতি দিয়াৰ পিছত আৰু অংশীদাৰসকলৰ সৈতে আলোচনা কৰি, ভাৰত চৰকাৰে ২৭-০৩-২০২২ তাৰিখৰ পৰা আন্তজাৰ্তিক বাণিজ্যিক বিমানৰ যাত্ৰীবাহী সেৱা পুনৰ আৰম্ভ কৰাৰ সিদ্ধান্ত লৈছে৷’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
