গ্ৰাহক আৰু চালকৰ হাজাৰ হাজাৰ অভিযোগৰ পিছত কেব এগ্ৰিগেটৰ উবেৰে এতিয়া গ্ৰাহক আৰু চালকৰ সমস্যা সমাধানত সহায়ক হোৱাকৈ কেইবাটাও নিয়ম প্ৰণয়ন কৰিছে।
চালকসকলৰ বিৰুদ্ধে ট্ৰিপ বাতিল কৰা বা এচি অন কৰিব নিবিচৰাৰ অভিযোগ উত্থাপন কৰাৰ পিছত প্ৰতিষ্ঠানটোৱে কিছুমান নিয়ম প্ৰণয়ন কৰাৰ কথা ঘোষণা কৰিছে।
ইফালে গ্ৰাহকসকল বহু পৰিমাণে অসন্তুষ্ট হ’লেও চালকসকলে ইন্ধনৰ দাম বৃদ্ধি, দীৰ্ঘ দূৰত্বৰ পিক-আপ আৰু পেমেণ্ট নিয়ম আদিকে কৰি নিজৰ উপাৰ্জন সংকোচিত হোৱাৰ বিষয়ে প্ৰতিষ্ঠানটোক অৱগত কৰিছিল। ইয়াৰ পিছতে প্ৰতিষ্ঠানটোৱে তলত উল্লিখিত নতুন কিছু নিয়ম প্ৰৱৰ্তন কৰিছে৷
লগতে পঢ়ক সাৱধান হওক, যৌন সম্পৰ্কৰ দ্বাৰাও সংক্ৰমিত হ’ব পাৰে মাংকি পক্স!
বৰ্ধিত মূল্যৰ ইন্ধন ব্যয়
প্ৰতিষ্ঠানটোৰ মতে, ইন্ধনৰ মূল্য বৃদ্ধিয়ে সকলোকে প্ৰভাৱিত কৰিছে, বিশেষকৈ ইন্ধনৰ মূল্যবৃদ্ধিয়ে চালকসকলক অধিক পৰিমাণে প্ৰভাৱিত কৰিছে।
মাৰ্চ মাহত প্ৰথমবাৰৰ বাবে উবেৰ ড্ৰাইভাৰ পৰামৰ্শ দাতা পৰিষদৰ বৈঠক আহ্বান কৰা হয়। পৰিষদত চালক সদস্যসকলে ইন্ধনৰ মূল্যবৃদ্ধিৰ মূল বিষয়টো উত্থাপন কৰে।
ভাৰতৰ বহু চহৰত বৃদ্ধি পোৱা ইন্ধনৰ মূল্যৰ বাবে লোকচানত পৰা চালকসকলক সকাহ দিবলৈ যোৱা কেইসপ্তাহমানৰ পৰা কোম্পানীটোৱে উবেৰৰ ভাড়া বৃদ্ধি কৰিছে।
লগতে পঢ়ককৰোনাৰ পিছত মাংকি পক্সৰ আতংক! কোন কোন দেশত বিয়পিছে এই ৰোগ?
দীৰ্ঘ দূৰত্বৰ পিক-আপ
ইফালে চালকসকলৰ বিৰুদ্ধে আটাইতকৈ বেছি উত্থাপন হোৱা অভিযোগসমূহৰ ভিতৰত এটা হ’ল তেওঁলোকে যাত্ৰীক সঠিক বাটেৰে নিবলৈ ইচ্ছুক নহয়। দীৰ্ঘ দূৰত্বৰ ক্ষেত্ৰত সৃষ্টি হোৱা এই সমস্যা সমাধান কৰিবলৈ এতিয়া প্ৰতিষ্ঠানটোৱে চালকসকলক অতিৰিক্ত উপাৰ্জন দিব বুলিও সদৰী কৰিছে৷
পেমেন্ট সূচী
সমগ্ৰ দেশৰ চালকসকলৰ পৰা সততে শুনা এটা বাক্যাংশ হ’ল— আমি নগদ ধনেৰে পেমেণ্ট বিচাৰো, যিটো বহু সময়ত যাত্ৰীৰ বাবে সমস্যাজনক।
লগতে পঢ়ক নৱেম্বৰ নে ডিচেম্বৰ! কিয় শীতকালতহে বিবাহপাশত আৱদ্ধ হ’ব অৰ্জুন-মালাইকা?
এই সমস্যা সমাধানৰ বাবে এতিয়াৰেপৰা উবেৰে চালকসকলৰ বাবে দৈনিক দৰমহা প্ৰক্ৰিয়া প্ৰৱৰ্তন কৰিছে। ইয়াৰ ফলত সোমবাৰৰ পৰা বৃহস্পতিবাৰলৈকে ভ্ৰমণৰ উপাৰ্জন শুকুৰবাৰে চালকসকলৰ হাতত জমা দিয়া হ’ব৷ আনহাতে শুকুৰবাৰৰ পৰা দেওবাৰলৈকে হোৱা উপাৰ্জন সোমবাৰে চালক প্ৰদান কৰিব।
উবেৰ এপটোৱে এতিয়াৰে পৰা ভ্ৰমণ আৰম্ভ হোৱাৰ পূৰ্বে চালকসকলক পেমেণ্টৰ ধৰণ (নগদ বা অনলাইন) দেখুৱাব। প্ৰতিষ্ঠানটোৰ মতে, ইয়াৰ ফলত চালকজনে অনলাইন বা নগদ ধনৰ যি ৰাইড বিচাৰে তাকে বাছি ল’ব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
