শেহতীয়াভাৱে ইজৰাইলে এটা ভয়ংকৰ তথ্য উদঙাইছে বিশ্ববাসীৰ সন্মুখত। ইজৰাইলে ৰাষ্ট্ৰসংঘৰ নিৰাপত্তা পৰিষদত এই গুৰুত্বপূৰ্ণ বিষয়টো উপস্থাপন কৰি গাজাত নি*হত দুই সাংবাদিকৰ পৰিচয় আৰু তেওঁলোকৰ প্ৰকৃত কৰ্মস্থল সম্পৰ্কে এক চাঞ্চল্যকৰ তথ্য প্ৰকাশ কৰিছে। ইজৰাইলৰ ৰাষ্ট্ৰসংঘস্থিত স্থায়ী প্ৰতিনিধি ডেনি ডেননে দাবী কৰিছে যে, ইজৰাইলৰ আক্ৰমণত নি*হত কেইজনমান সাংবাদিকক কেৱল সংবাদকৰ্মী হিচাপে উপস্থাপন কৰা হৈছিল বা পৰিচয় দিয়া হৈছিল। কিন্তু প্ৰকৃততে সংশ্লিষ্ট সাংবাদিকৰ স*শস্ত্ৰ সংগঠনৰ সৈতেও আছিল ওতঃপ্ৰোত সম্পৰ্ক, তথ্য সহকাৰে এই দাবী কৰিছে ইজৰাইজৰ ৰাষ্ট্ৰসংঘৰ প্ৰতিনিধি ডেনি ডেননে। ইজৰাইলৰ এই দাবীৰ পিছতে আন্তঃৰাষ্ট্ৰীয় মহলত এই বিষয়টোক লৈ তীব্ৰ বিতৰ্কৰ সৃষ্টি হৈছে।
ইজৰাইলে দাবী কৰা কোন এই সাংবাদিক?
ইজৰাইলে বিশেষভাৱে মুহাম্মদ আবু ইটিৱি আৰু মুহাম্মাদ নাছেৰ আবু হুৱাইদি ওৰফে আহমদ ৱিশ্বাহ নামৰ দুজন সাংবাদিকৰ কথা উল্লেখ কৰিছে। ইটিৱি গাজাৰ সংবাদমাধ্যম Al-Quds Al-Youm-ৰ সৈতে জড়িত সাংবাদিক হিচাপে পৰিচিত আছিল। ইয়াৰ উপৰিও ইটিৱি United Nations Relief and Works Agencyৰ কৰ্মচাৰীও আছিল। কিন্তু ইজৰাইলৰ দাবী অনুসৰি, ইটিৱি একে সময়তে হামাছৰ নুখবা (Nukhba) বাহিনীৰ বুৰেইজ বেটেলিয়নৰো কমাণ্ডাৰ আছিল আৰু ২০২৩ চনৰ ৭ অক্টোবৰৰ আক্ৰ*মণত সক্ৰিয়ভাৱে অংশগ্ৰহণ কৰিছিল। এই অভিযোগৰ ভিত্তিত ২০২৪ চনত ইজৰাইলে ইটিৱিক লক্ষ্য কৰি অভিযান চলোৱাৰ দাবী কৰিছে। আনহাতে, হুৱাইদি গাজাভিত্তিক Al-Istiqlal সংবাদপত্ৰৰ ফটো-সাংবাদিক হিচাপে কৰ্মৰত হোৱাৰ উপৰিও এটা আন্তঃৰাষ্ট্ৰীয় সংবাদ প্ৰতিষ্ঠানৰ ফটো সাংবাদিক হিচাপে কৰ্মৰতৰ অভিযোগ উত্থাপন কৰিছে ইজৰাইলে। হুৱাইডিৰ মৃ*ত্যুৰ পিছত UNESCO, International Federation of Journalists (IFJ) আৰু বিভিন্ন আন্তঃৰাষ্ট্ৰীয় সংগঠনে তেওঁক কৰ্তব্যৰত অৱস্থাত নি*হত সাংবাদিক হিচাপে উল্লেখ কৰিছিল। কিন্তু শেহতীয়াভাৱে ইজৰাইলে দাবী কৰে যে, তেওঁ Palestinian Islamic Jihad (PIJ)ৰ সামৰিক মিডিয়া শাখাৰ সৈতেও জড়িত আছিল। ইতিমধ্যে ৰাষ্ট্ৰসংঘত দিয়া ভাষণৰ সময়ত ইজৰাইলৰ প্ৰতিনিধি ডেনি ডেননে সংশ্লিষ্ট দুই সাংবাদিকৰ হাতত মাৰ*ণাস্ত্ৰ লৈ থকা দুখনকৈ ভিন্ন ফটো মুকলি কৰে।
হামাছৰ বিৰুদ্ধে ইজৰাইলৰ অভিযোগ
ৰাষ্ট্ৰসংঘত ভাষণ দি ডেনি ডেননে কয় যে, হামাছ আৰু আন স*শস্ত্ৰ সংগঠনসমূহে বহু সময়ত সামৰিক সদস্যসকলক সাংবাদিক বা অসামৰিক লোক হিচাপে উপস্থাপন কৰে। তেওঁৰ মতে, এইধৰণৰ তথ্য পৰীক্ষা নকৰাকৈ বিশ্বজুৰি প্ৰচাৰ হোৱাটো উদ্বেগজনক আৰু ৰাষ্ট্ৰসংঘই এনে বিষয়ত অধিক সতৰ্ক হোৱা উচিত। আনহাতে UNESCO, IFJ আৰু সাংবাদিক সুৰক্ষা বিষয়ক একাধিক আন্তঃৰাষ্ট্ৰীয় সংগঠনে মুহাম্মদ নাছেৰ আবু হুৱাইদিসহ বহু নি*হত সংবাদকৰ্মীক সাংবাদিক হিচাপেই তালিকাভুক্ত কৰি তদন্ত আৰু সাংবাদিকৰ সুৰক্ষা নিশ্চিত কৰাৰ আহ্বান জনাই আহিছে। সেয়ে বিষয়টো এতিয়াও আন্তঃৰাষ্ট্ৰীয় পৰ্যায়ত বিতৰ্কিত হৈ আছে। এই বিষয় সন্দৰ্ভত বিভিন্ন পক্ষই বিভিন্ন দাবী আগবঢ়াই আছে।
ইপিনে ইজৰাইলে এই তথ্য ৰাষ্ট্ৰসংঘত উপস্থাপন কৰাৰ পিছতে ভাৰততো ‘ভাৰত বিৰোধী’ তথাকথিত তেনে সাংবাদিক বা সংবাদগোষ্ঠী আছে নেকি বুলি বিভিন্ন মহলত প্ৰশ্ন উত্থাপন কৰিছে। সম্প্ৰতি মুষ্টিমেয় দুই-এটা আন্তঃৰাষ্ট্ৰীয় সংবাদগোষ্ঠীয়ে দেশবিৰুদ্ধ সংবাদ পৰিৱেশনেৰে ভাৰতৰ ভিতৰ চ’ৰাত বিশবাষ্প বিয়পাই অস্থিৰ কৰাৰ অপচেষ্টা চলাই থকা বুলি বিভিন্ন সচেনত মহলত চৰ্চা চলিছে।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
