বুমৰাহেও ল’ব নেকি অৱসৰ! লাখ লাখ অনুৰাগীৰ আগত ক’লে অৱসৰৰ সময়
বুম বুম বুমৰাহ, কালিৰ বাংখেৰে ষ্টেডিয়ামত বুমৰাহে হাতত মাইক লোৱাৰ লগে লগে গুঞ্জৰি উঠে বুমৰাহৰ নামেৰে। বৃহস্পতিবাৰে ৱাংখেৰে ষ্টেডিয়ামত বিশ্বকাপ বিজয়ী টিম ইণ্ডিয়াৰ খেলুৱৈসকলক সম্বৰ্ধনা জনোৱাৰ উদ্দেশ্যে এক অনুষ্ঠান অনুষ্ঠিত হয়। ৱাংখেড়ে ষ্টেডিয়ামত বন্দে মাতৰম গীত গাই টিম ইণ্ডিয়াৰ খেলুৱৈসকলে বিজয় পেৰেডৰ সামৰণি মাৰে।
ইয়াৰ পিছত খেলুৱৈসকলক মঞ্চত মাতি সন্মানিত কৰা হয়। এই সময়ছোৱাত ২০২৪ চনৰ টি-২০ বিশ্বকাপত টুৰ্ণামেণ্টৰ শ্ৰেষ্ঠ খেলুৱৈ হিচাপে পৰিগণিত হোৱা যশপ্ৰিত বুমৰাহক অৱসৰৰ বিষয়ে সোধাত বুমৰাহে উত্তৰ দিয়ে যে টি-২০ আন্তঃৰাষ্ট্ৰীয় ক্ৰিকেটৰ পৰা কেতিয়া অৱসৰ ল’ব।
২০২৪ চনৰ টি-২০ বিশ্বকাপ খিতাপ দখল কৰাৰ পাছত টি- ইণ্ডিয়াৰ তিনিগৰাকী প্ৰবীণ খেলুৱৈয়ে টি-২০ আন্তঃৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰে। এই তালিকাত আছে একাদিক্ৰমে ৰোহিত শৰ্মা, বিৰাট কোহলী আৰু ৰবীন্দ্ৰ জাডেজা।
ইয়াৰ পিছত এতিয়া বুমৰাহেও অৱসৰৰ কথা মুকলিকৈ সদৰি কৰে। বুমৰাহে কয় যে এতিয়ালৈকে তেওঁৰ টি-২০ ক্ৰিকেটৰ পৰা অৱসৰ লোৱাৰ কোনো উদ্দেশ্য নাই বা তেনেধৰণৰ কোনো চিন্তাও কৰা নাই, এয়া তেওঁৰ আৰম্ভণিহে। এতিয়া আৰু বহুদূৰ আগবাঢ়িব আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
