অসম লাইভ২৪ঃ দেৱগুৰু বৃহস্পতিয়ে এটা ৰাশিত ১ বছৰ ধৰি বিচৰণ কৰে। পুনৰ সেই ৰাশিত প্ৰৱেশ কৰিবলৈ বৃহস্পতিৰ ১২ বছৰ সময় লাগে। বৰ্তমান বৃহস্পতিয়ে স্বৰাশি মেষত মাৰ্গী গতিত বিচৰণ কৰি আছে। ১ মেত মেষৰ পৰা ওলাই বৃষ ৰাশিত প্ৰৱেশ কৰিব এই গ্ৰহই। জ্যোতিষ শাস্ত্ৰত বৃহস্পতিক শুভ গ্ৰহ বুলি কোৱা হয়। সেয়ে বৃহস্পতিৰ অস্ত দশাক শুভ বুলি ধৰা নহয়। সেই অশুভ সময়েই আহি আছে সন্মুখত। ১ মেত বৃষ ৰাশিত প্ৰৱেশ কৰিয়েই ৩ মে’ত অস্ত যাব বৃহস্পতি। শাস্ত্ৰমতে বৃহস্পতি সন্তান, ভাগ্য, বিবাহ, ধনৰ কাৰক গ্ৰহ। বৃহস্পতি অস্ত গ’লে ব্যক্তিৰ জীৱনত এই সমস্ত ক্ষেত্ৰসমূহ প্ৰভাৱিত হ’ব। ৩ মেত বৃহস্পতি অস্ত যোৱাৰ পাছতেই ৩ জুনত পুনৰ উদিত হ’ব। এই এমাহ সময়ত তিনি ৰাশিৰ জাতক যথেষ্ট সচেতন হৈ থাকক।
মেষ ৰাশি
এই ৰাশিৰ দ্বিতীয় কক্ষত অস্ত যাব বৃহস্পতি। আকৌ এই ৰাশিৰ নৱম আৰু দশম স্থানৰ অধিপতি হৈছে বৃহস্পতি। এই পৰিস্থিতিত বৃহস্পতি অস্ত গ’লে মিশ্ৰ ফলাফল লাভ কৰিব মেষ ৰাশিৰ জাতকে। ৩ মেৰ পৰা মেষ ৰাশিৰ জাতকে সৰু কামৰ বাবেও প্ৰচুৰ পৰিশ্ৰম কৰিব লাগিব। ভাৱিচিন্তি কথা কওক, অন্যথা লোকচানৰ সন্মুখীন হ’ব। চাকৰি আৰু ব্যৱসায়তো বেয়া ফল আহিব পাৰে। ৩ জুনৰ পাছত এই ৰাশিৰ জাতকৰ সময় অনুকূল। গুৰু অস্ত যোৱাৰ সময়ত নিজৰ স্বাস্থ্যৰ বিশেষ যত্ন ল’ব লাগিব মেষ ৰাশিৰ জাতকে। এই সময়ত আপুনি অপ্ৰয়োজনীয় ব্যয় নিয়ন্ত্ৰণ কৰিব বৃহস্পতিয়ে। ইয়াৰ ফলত আপোনাৰ অৰ্থ সঞ্চয় হ’ব।
বৃষ ৰাশি
এই ৰাশিৰ অষ্টম আৰু একাদশ কক্ষৰ অধিপতি বৃহস্পতি লগ্ন স্থানত অস্ত যাব। এই সময়ত বৃষ ৰাশিৰ জাতকে নিজৰ স্বাস্থ্যৰ বিশেষ যত্ন লওক। কাৰণ সামান্য গাফিলতি হ’লে এই ৰাশিৰ জাতকৰ জীৱনলৈ অসুবিধা আহিব পাৰে। ভাগ্যৰ সংগ লাভ নকৰিব এই ৰাশিৰ জাতকে। ইয়াৰোপৰি পিতৃৰ সমৰ্থন লাভ নকৰি হতাশ হ’ব। দূৰ যাত্ৰা কৰিব পাৰে। প্ৰথমে প্ৰত্যাশা অনুসৰি ফল নাপাব। একাধিক চেলেঞ্জৰ মুখামুখি হ’ব পাৰে।
কৰ্কট ৰাশি
জ্যোতিষ অনুসৰি এই ৰাশিৰ ষষ্ঠ আৰু নৱম স্থানৰ অধিপতি বৃহস্পতিয়ে আপোনাৰ একাদশ স্থানত অস্ত যাব। বৃহস্পতি অস্ত যোৱাৰ ফলত এই ৰাশিৰ জাতক সতৰ্ক হৈ থাকক। সৰু সুৰা সকলো কামতেই বাধা আহিব। আয় কমিব পাৰে। এই সময়ত চাকৰিয়াল কৰ্কট ৰাশিৰ জাতকে কাৰ্যালয়ত সতৰ্ক হৈ থাকক। ইয়াৰোপৰি মেৰ পৰা জুন মাহলৈ পাৰিবাৰিক জীৱনত প্ৰেমৰ সম্পৰ্কত সমস্যাই দেখা দিব। সন্তানৰ কাৰণে চিন্তিত হৈ থাকিব। মানসিক অৱসাদৰ মুখামুখি হ’ব পাৰে। এই সময়ত ধৈৰ্য্যৰে আৰু সংযমী হৈ সমস্ত কাম কৰিলে সফলতা লাভ কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
