অসম লাইভ২৪ঃ কলিজা আইতা হাস্পতালত চিকিৎসাধীন হৈ আছে। দেশৰ বিভিন্ন প্ৰান্তৰ অজস্ৰ গুণমুগ্ধই কৰিছে প্ৰাৰ্থনা। আইতা সুস্থ হৈ উঠক। বিগত কেইবাদিনো ধৰি আইতাৰ স্বাস্থ্য একেই আছে। কোনো পৰিবৰ্তন হোৱা নাই বুলি জনাইছে বৃদ্ধাশ্ৰম কৰ্তৃপক্ষই। বৃদ্ধাশ্ৰম কৰ্তৃপক্ষই প্ৰতিসময়তে দি আছে আইতাৰ স্বাস্থ্যৰ আপডেট। আইতাৰ স্বাস্থ্যক লৈ সামাজিক মাধ্যমত দিছে বিশেষ পষ্ট। পষ্টত বৃদ্ধাশ্ৰম কৰ্তৃপক্ষই লিখিছে-
‘কলিজা আইতা একেই আছে। এতিয়াও মাতবোল কৰা নাই। চকুও মেলা নাই। গভীৰ টোপোনিত লালকাল। পৰীক্ষাবোৰ সদায় এ কৰি আছে। ব্লাডৰ প্রায়বোৰ ৰিপোৰ্ট এ নৰ্মেল। গভীৰ আশা আৰু হেঁপাহেৰে ৰৈ আছো। আইতাই চকু মেলি চাব। আই চি ইউ ৰ ভিতৰলৈ গলেই ভাবো আইতাই এবাৰ মাতিব। চকু মেলি চাই সুধিব মই কত আছো? তই কিবা এটা খালিনে? বোল সোনকালে ঘৰলৈ যাওঁ। আইতাই এতিয়াই আমাক এৰি যাবলৈ ইচ্ছা কৰা নাই। এখন নিজৰ ঘৰ হ’ব। কৃষ্ণাক পঞ্চঅমৃত খুৱাব। কৃষ্ণাৰ এটা বেবী হ’ব। ঘৰখনত এখন সত্য নাৰায়ণ পূজা ও পাতিব লগা আছে। তদুপৰি অসমবাসী ৰাইজৰ মৰম স্নেহ এৰি আইতাই এতিয়াই গুচি যোৱাৰ কথা ভাবিবই নোৱাৰে।
হঠাতে আই চি ইউ ৰ গেটত থকা মানুহজনে চিঞৰি উঠিল- ‘এশ চাপন্ন’।
লগে লগে ঠিয় হৈ সুধিলোঁ কওক দাদা, কিবা মেডিচিন আনিব লাগিব নেকি?
মানুহজনে কলে, “নালাগে, আপোনাক ডাক্তৰে মাতিছে”। বুকুখন চিৰিংকৈ উঠিল। অলপ আগতে আইতাক চাই আহিছোহে। হে ভগৱান কিবা হল! একে উশাহতে ডাক্তৰৰ ওচৰ পালোঁ। ডাক্তৰে কলে, “চাওঁক আইতাৰ বয়স হৈছে। এতিয়ালৈ মাতবোল ও কৰা নাই। আমি ও সম্পূৰ্ণৰূপে চেষ্টা অব্যাহত ৰাখিছোঁ। কিন্তু ৰাতি ভেন্টিলেটৰ ও দিবলগীয়া হব পাৰে। সেইবাবে ইয়াতে এটা চহী কৰি দিয়ক।”
ডাক্তৰৰ কথাত শিহৰিত হৈ পৰিলোঁ। অলপ ৰব বুলি কৈ আইতাক চাবলৈ উধাতু খাই আইতাৰ বিচনা পালোঁ। আইতাক হেঁপাহেৰে বহুবাৰ মাতিলো। নাই এবাৰো সঁহাৰি নিদিলে। তথাপি সকলো ঠিকেই দেখিলোঁ। অলপ অক্সিজেন কম আছে বাবে অক্সিজেন দি থৈছে। ডাক্তৰৰ কাষলৈ গলো। কৰ্তব্যৰত ডাক্তৰক প্ৰশ্ন কৰিলোঁ, “কিবা ক্ৰিটিকেল দেখিছে নেকি ছাৰ?
নাই। তথাপি কেতিয়াবা হঠাতে ডিটৰেট কৰিব পাৰে। তেতিয়া আমি ভেন্টিলেটৰ লগাও। সেয়েহে পাৰ্মিশ্বনটো লৈ থৈ দিও।
উপায় নাই। দুখ আৰু বেজাৰ মনেৰে বুকুত শিল এটা থৈ চহীটো কৰি দিলোঁ।
নাই। আইতাই সুস্থ হৈ উঠিব। আইতাই আমাক অকলশৰীয়া কৰি নাযায়। ভগৱান এ ৰাইজৰ প্ৰাৰ্থনা শুনিব। আইতাই আকৌ মাতিব, “এই উৎপল, যা ভাত কেইটামান খাই ল”।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
