অসম লাইভ২৪ঃ বছৰজোৰা আয়োজন৷ কিন্তু বিয়াখন এই বৰ্ষত নহ’ল৷ বলীউডত ২০২২ চনত আছিল কেইবাখনো হাইপ্ৰফাইল বিয়া৷ সকলোৱে অপেক্ষা কৰিছিল এখন বিশেষ বিয়ালৈ৷ বিয়াখন নহ’ল যদিও নতুন বছৰত বলীউডৰ প্ৰথমখন বিয়াই হ’ব দুই বিশেষ চেলিব্ৰিটিৰ৷
নতুন বছৰৰ আৰম্ভনিতে কইনা হ’বলৈ সাজু হৈছে কিয়াৰা আদৱানী৷ পিছে দৰাও এলাপেছা নহয়৷ বলীউডৰ হেণ্ডচম হাংক সিদ্ধাৰ্থ মলহোত্ৰাৰ সৈতে বিয়াত বহিব কিয়াৰা৷ ফেব্ৰুৱাৰী মাহৰ ৬ তাৰিখে দুয়োৰে বিবাহ অনুষ্ঠান অনুষ্ঠিত হ’ব বুলি প্ৰকাশ কৰিছে কিয়াৰা-সিদ্ধাৰ্থৰ ঘনিষ্ঠ এক সূত্ৰই৷ সূত্ৰটোৱে জনোৱা অনুসৰি ৰাজস্থানৰ জয়চলেমত অনুষ্ঠিত হ’ব বিবাহ অনুষ্ঠান৷ প্ৰাসাদোসম বিলাসবহুল জয়ছলম পেলেছত বিবাহৰ অনুষ্ঠানৰ আয়োজন কৰা হৈছে৷ আনহাতে নিমন্ত্ৰিত অতিথিৰ তালিকাও প্ৰকাশ কৰিছে সূত্ৰটোৱে৷ বিবাহৰ অনুষ্ঠানত মনিষ মলহোত্ৰা, কৰণ জোহাৰকৰে ধৰি আদিকে ধৰি বলীউডৰ বহুকেইজন হাইপ্ৰফাইল ব্যক্তি উপস্থিত থাকিব বিবাহ অনুষ্ঠানত৷
২০২২ বৰ্ষটো কিয়াৰাৰ বাবে আছিল উল্লেখনীয় বছৰ৷ ২০২৩ৰ মাঘতেই বিয়া সিদ্ধান্ত ফাইনেল বুলি জনাইছে কিয়াৰা-সিদ্ধাৰ্থৰ ঘনিষ্ঠ মহলে৷ পূৰ্বে বিবাহৰ বাবে চণ্ডিগড়ৰ দ্যা অৱৰয় সুখবিলাস স্পা এণ্ড ৰিজৰ্ট বুকিং কৰিছিল যদিও শেহতীয়াভাৱে ৰাজস্থানৰ জয়ছলম পেলেছকেই ফাইনেল বুলি সিদ্ধান্ত লৈছে কিয়াৰা-সিদে৷ বিগত কেইবাবছৰ ধৰি প্ৰেমৰ সম্পৰ্কত আছিল সিদ্ধাৰ্থ-কিয়াৰা৷ কিন্তু সংবাদমহলৰ পৰা এই সম্পৰ্ক লুকুৱাই ৰাখিবলৈ চেষ্টা কৰিছিল দুই অভিনেতাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
