হায়ৰে, ৰক্ষা নাপালে ৭ মহীয়া কেঁচুৱা… সমগ্ৰ চহৰৰ চিচিটিভি ফুটেজ পৰীক্ষা আৰক্ষীৰ
শিশুৰ ওপৰত যৌন নিৰ্যাতনৰ অভিযোগ। কলকাতাৰ ৰাজপথত এই লজ্জাজনক ঘটনা। জানিব পৰা মতে, এই নিৰ্লজ্জ ঘটনাত এই পৰ্যন্ত দুজন লোকক আটক কৰা হৈছে।
বুধবাৰে বিয়লি বাৰাতলা থানা এলেকাৰ পৰা আৰক্ষীয়ে ভুক্তভোগী শিশুটিক উদ্ধাৰ কৰে। শিশুটিক পথৰ পৰা উদ্ধাৰ কৰি চিকিৎসাৰ বাবে আৰ জি কাৰ হাস্পতাললৈ প্ৰেৰণ কৰা হয়। চিকিৎসালয়ৰ সূত্ৰ অনুসৰি শিশুটি বৰ্তমানে সংকটমুক্ত।
খবৰ অনুসৰি বিয়লি প্ৰায় ২:৩০ মান বজাত স্থানীয় এজন বাসিন্দাই শিশুটিক ফুটপাথৰ কাষত পৰি থকা প্ৰত্যক্ষ কৰে। লগে লগে বাৰাতলা থানাৰ আৰক্ষীক শিশুটি সন্দৰ্ভত খবৰ কৰে।
আনহাতে শিশুটিৰ পিতৃ-মাতৃয়েও শিশুটিৰ সন্ধানহীন হোৱা সন্দৰ্ভত আৰক্ষীৰ কাষ চাপে। শিশুটি পোৱাৰ পিছতে আৰক্ষীয়ে দম্পতীহালকো খবৰ কৰে। দম্পতীহালে আহি শিশুটিক নিজৰেই সন্দানহীন হোৱা সন্তান বুলি চিনাক্ত কৰে।
শিশুটিৰ দেহত একাধিক আঘাতৰ চিন পোৱা গৈছে। শিশুটিক শাৰীৰিক নিৰ্যাতন চলোৱাৰ সন্দেহ আৰক্ষীৰ। চিকিৎসালয়ত প্ৰাথমিক পৰীক্ষাটো শাৰীৰিক নিৰ্যাতনৰ প্ৰমাণ পোৱা গৈছে। বৰ্তমানে শিশুটি চিকিৎসাধীন।
আৰক্ষীয়ে ভাৰতীয় দণ্ডবিধি আইন, শিশু সুৰক্ষা আইন (POCSO)ৰ ১৩৭(২), ৬৫(২)ৰ অধীনত গোচৰ ৰুজু কৰি তদন্ত আৰম্ভ কৰিছে। লগতে অভিযুক্তক চিনাক্ত কৰিবলৈ সমগ্ৰ অঞ্চলটোৰেই চিচিটিভি ফুটেজ তন্ন তন্নকৈ পৰীক্ষা কৰিছে। এই পৰ্যন্ত দুজন সন্দেহযুক্ত লোকক আটক কৰি সোধপোচ অব্যাহত ৰাখিছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
