কেৱল অভিনয় প্ৰতিভাৰেই নহয়, এক সুকীয়া ব্যক্তিত্বৰে বলিউদত প্ৰতিষ্ঠা লাভ কৰা অভিনেত্ৰী কংকনা সেন শৰ্মাই নিজকে নাৰী বুলি নাভাবে৷ এই কথা খোদ নিজেই প্ৰকাশ কৰিছে অভিনেত্ৰীগৰাকীয়ে৷
হাৰ্পাৰছ বাজাৰ ইণ্ডিয়াক দিয়া এক সাক্ষাৎকাৰত অভিনেত্ৰীগৰাকীয়ে কয় যে তেওঁ নিজকে নাৰী বুলি স্বীকাৰ নকৰাই নহয়, নাৰী আৰু পুৰুষৰ স্পষ্ট লৈংগিক বিভাজন নথকা উভয় লিংগৰ লক্ষণযুক্ত মানুহ বুলিহে ভাবে৷ আনকি লিংগ ভিত্তিক সমাজ গঠনকো বিশ্বাস নকৰে বুলি প্ৰকাশ কৰিছে অভিনেত্ৰী কংকনাই৷
এণ্ড্ৰ’গিনাছৰ লক্ষণ থকা বুলি ব্যক্ত কৰি অভিনেত্ৰী কংকনাই কয় যে লৈংগিকভাৱে তেওঁ পুৰুষ আৰু নাৰী দুয়োটাই হয়৷
লগতে পঢ়ক মাধুৰী দীক্ষিতৰ ফ্লেটৰ ভাৰা কিমান জানেনে? জানিলে আপোনাৰ চকু কপালত উঠিব!
‘‘মই নিজকে নাৰী হিচাপে নাচাওঁ৷ নিজকে মই সম্পূৰ্ণ লিংগহীন হিচাপেহে চাওঁ৷ মোৰ লগত লৈংগিক অৱধাৰণা খাপ নাখায়৷ আনকি ছবিত অত্যধিক নাৰীসুলভ চৰিত্ৰত অভিনয় কৰিলে ই কেনেকৈ সম্ভৱ সেই বিষয়েও ভাবো৷’’ কংকনাই এইদৰে কয়৷
‘‘মোৰ মাজত পুৰুষ আৰু নাৰী বুলি নহয়… মই নিজকে সদায় অলপ এণ্ড্ৰ’গিনাছৰ দৰে অনুভৱ কৰি আহিছো৷’’ অভিনেত্ৰী কংকনা সেন শৰ্মাই লগতে কয়৷
লগতে পঢ়ক প্ৰেমিকৰ আগত পদা নিষিদ্ধ! পাদিব নোৱাৰি চিকিৎসালয়ত ভৰ্তি হ’ল জনপ্ৰিয় গায়িকা প্ৰেমিকা
তেওঁৰ লগতে কয় যে পিতৃ-মাতৃয়ে তেওঁক এক অগতানুগতিক আৰু প্ৰগতিশীল জীৱন যাপনৰ বাবে প্ৰস্তুত কৰাত কংকনাই সৰুৰে পৰা নাৰী পুৰুষৰ স্পষ্ট বিভাজন থকা সমাজত স্বাচ্ছন্দ্যবোধ কৰা নাছিল৷
প্ৰাক্তন স্বামী ৰণবীৰ শ্বুৰীৰ তেওঁৰ পুত্ৰ হাৰণ শ্বৰীক কংকনাই মুক্তচিন্তা কৰিবলৈ শিক্ষা দিয়া বুলিও প্ৰকাশ কৰিছে৷
উল্লেখ্য কংকনা সেন শৰ্মাক শেষবাৰৰ বাবে মাতৃ অপৰ্ণা সেনে পৰিচালনা কৰা দ্য ৰেপিষ্টত দেখা গৈছিল৷ যোৱা বছৰৰ অক্টোবৰত মুক্তি লাভ কৰা ছবিখনত অৰ্জুণ ৰামপাল আৰু তম্মী ধানানিয়াই অভিনয় কৰিছিল৷ শেহতীয়াকৈ কংকনাক মনোজ বাজপেয়ীৰ সৈতে অভিনয় কৰা ৱেব চিৰিজ চ’পত দেখা যাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
