বিহাৰৰ পাটলিপুত্ৰৰ নিৰ্বাচনৰ প্ৰাৰ্থী কোন সেৱা পাছত সমুখসমৰত মোদী বনাম কেজৰিৱাল
বিহাৰৰ পাটলিপুত্ৰৰ নিৰ্বাচনক লৈ গৰম হৈ পৰিছে দেশৰ লোকসভা নিৰ্বাচন। প্ৰাৰ্থী কোন সেয়া এতিয়া পাছৰ কথা, নিজ নিজ সমৰ্থীত প্ৰাৰ্থীক জয় কৰাবলৈ এতিয়া সমুখসমৰত নামি পৰিছে প্ৰধানমন্ত্ৰী মোদী আৰু অৰবিন্দ কেজৰিৱাল। সমষ্টিটোত যেন এতিয়া মোদী আৰু কেজৰিৱালৰ হে যুঁজ। দুয়ো গৰাকী নেতাই নামি পৰিছে জয় হোৱাৰ বাবে।
সমষ্টিটোত প্ৰধানতঃ সংসদীয় সমষ্টিৰ পৰা বিজেপি প্ৰাৰ্থী ৰামকৃপাল যাদৱ আৰু আৰজেডি প্ৰাৰ্থী মিছা ভাৰতীৰ মাজত তীব্ৰ যুঁজ। যোৱা দুবাৰকৈ মিছা ভাৰতীক পৰাস্ত কৰি আহিছে ৰামকৃপাল যাদৱে। কিন্তু এইবাৰ হেট্ৰিক বন্ধ কৰিবলৈ লালু যাদৱে অৰবিন্দ কেজৰিৱালক পাটলীপুত্ৰলৈ মাতিবলৈ সিদ্ধান্ত লৈছে। আনহাতে ২৫ মে’ত ৰামকৃপালৰ হৈ প্ৰচাৰ চলাবলৈ আহিব প্ৰধানমন্ত্ৰী নৰেন্দ্ৰ মোদীয়ে।
পাটলীপুত্ৰ অঞ্চলৰ আৰজেডি নেতাসকলৰ মাজত বিৰাট অসন্তুষ্টিৰ সৃষ্টি হৈছে কাৰণ ইয়াৰ পৰা আঞ্চলিক নেতাক সুযোগ দিয়া হোৱা নাই। এই অসন্তুষ্টিৰ বাবেই বিজেপিয়ে আগভাগ লোৱা প্ৰত্যক্ষ।
২৫ মে’ত প্ৰধানমন্ত্ৰী নৰেন্দ্ৰ মোদীয়ে বিজেপি প্ৰাৰ্থী ৰামকৃপাল যাদৱৰ বিজয় নিশ্চিত কৰাৰ উদ্দেশ্যে নিৰ্বাচনী সভাত ভাষণ দিব। আনহাতে লালু প্ৰসাদ যাদৱে কন্যা মিছা ভাৰতীক লোকসভালৈ পঠিয়াবলৈ অশেষ চেষ্টা কৰিছে। যাৰ বাবে মিত্ৰদল তথা দিল্লীৰ মুখ্যমন্ত্ৰী অৰবিন্দ কেজৰিৱালক পাটলিপুত্ৰত প্ৰচাৰ চলাবলৈ আহ্বান জনাইছে।
উল্লেখ্য যে, ২০১৪ আৰু ২০১৯ৰ নিৰ্বাচনত ৰামকৃপাল যাদৱৰ হাতত পৰাস্ত হৈছিল মিছা ভাৰতীয়ে। ২০১৯ চনত ৰাহুল গান্ধীয়ে তেওঁৰ হৈ প্ৰচাৰ চলাইছিল। অৱশ্যে দুয়োবাৰেই একেবাৰে কম ব্যৱধানত হে পৰাজয় হৈছিল।
দুটা নিৰ্বাচনত পৰাজয়ৰ সন্মুখীন হোৱা মিছা ভাৰতীয়ে এইবাৰ জয়ৰ বাবে আত্মবিশ্বাসী। একে সময়তে ৰাজনৈতিক বিশেষজ্ঞসকলেও বিশ্বাস কৰে যে এইবাৰ প্ৰতিদ্বন্দ্বিতা কঠিন হব। যোৱা নিৰ্বাচনতো শেষৰ ৰাউণ্ডতহে মিছা ভাৰতী পিছ পৰি ৰয় যদিও এইবাৰ মিত্ৰতাৰ বাবে ভোট সিঁচৰতি নোহোৱাৰ আশা। এনে পৰিস্থিতিত মিছা ভাৰতীয়ে ৰামকৃপাল যাদৱক প্ৰত্যাহ্বান জনাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
