আজৱ! মৰণোত্তৰ পৰীক্ষাৰ ৰিপোৰ্টো দাখিল, ৪ঘণ্টা মৰ্গত, পাছে শেষ কৃত্যৰ বাবে নিয়াৰ সময়তে জী উঠিল ব্যক্তি
আজৱ-গজৱ ভাৰতৰ খবৰ। এইবাৰ ৰাজস্থানৰ পৰা আহিছে এক বিশেষ খবৰ। মৃত বুলি ঘোষণা এগৰাকী লোক, তাৰ পাছত মৰণোত্তৰ পৰীক্ষাৰ ফলাফলো সদৰি। পাছত ৪ ঘণ্টা ঘৰি মৰ্গত ৰাখি থোৱা হয় মৃতদেহ। কিন্তু তাৰ পাছতে লাগে হুৱা দুৱা।
কিয়নো, মৃত বুলি সদৰি হোৱা সেই ব্যক্তিৰ যেতিয়া শেষ কৃত্যৰ বাবে লৈ যোৱা হয়, তেতিয়াই জী উঠে ব্যক্তি। ততাতৈয়াকৈ পুনৰ চিটি হাস্পতাললৈ নি অক্সিজেন দি চেলাইন দি চিকিৎসা সম্পন্ন কৰা হয়। বৰ্তমানে লোকগৰাকীক আই চি ইউত ৰখা হৈছে। অৱশ্যে চিকিৎসকে সুস্থিৰ বুলি জানিবলৈ দিয়ে লোকগৰাকীৰ স্বাস্থ্য সন্দৰ্ভত।
এই ঘটনা ৰাজস্থানৰ ঝুনঝুনু জিলাৰ। ঘটনা সকলোফালে ভাইৰেল হোৱা পাছতে একপ্ৰকাৰৰ হাহাকাৰ লাগি যায়। যি হাস্পতালে লোকগৰাকীক মৃত ঘোষণা কৰি মৰণোত্তৰ পৰীক্ষাৰো ফলাফল পৰ্যন্তও দি দিছিল, সেই হাস্পতালৰ বিৰুদ্ধে সৰব হৈ উঠিছে সচেতন নাগৰিক।
অকনো সময় নষ্ট নকৰাকৈ ঘটনা পোহৰলৈ অহাৰ পাছতে সেই হাস্পতালৰ ৪ গৰাকী চিকিৎসকৰ লগতে হাস্পতালৰ অধ্যক্ষক নিলম্বন কৰে।
ঘটনা সন্দৰ্ভত জানিব পৰা অনুসৰি এগৰাকী ২৫ বছৰীয়া ৰোহিতেশ নামৰ ২৫ বছৰীয়া যুৱকক স্বাস্থ্য সম্বন্ধীয় কিছু সমস্যাৰ বাবে এক ব্যক্তিগত হাস্পতালত ভৰ্তি কৰাইছিল। যুৱকগৰাকী অনাথ, ইয়াৰ উপৰিও কাণেৰে নুশুনাৰ লগতে কথাও কব নোৱাৰে যুৱকগৰাকীয়ে। এক অনাথ আশ্ৰমতে বাস কৰিছিল যুৱকগৰাকী।
কালি ২১ নৱেম্বৰ তাৰিখে বিয়লি ২ মান বজাত ভৰ্তি কৰাইছিল । কিন্তু লগে লগে হাস্পতাল কৰ্তৃপক্ষই মৃত ঘোষণা কৰে যুৱকগৰাকীক। তাৰ পাছত হাস্পতালৰ নিয়ম অনুসাৰে প্ৰথমে মৰণোত্তৰ পৰীক্ষা তাৰ পাছত শেষ কৃত্যলৈ নিয়াৰ পূৰ্বে ৪ ঘন্টা ধৰি মৰ্গতে ৰখা হয়।
শেষত যুৱকগাৰকীৰ শেষ কৃত্যলৈ নিয়াৰ সময়তহে পোহৰলৈ আহে জীৱিত থকাৰ কথা। সেই সময়ত মৃত বুলি ভৱা যুৱকে লাহে লাহে লৰচৰ কৰিবলৈ ধৰাত হাহাকাৰ লাগি যায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
