অসম লাইভ ২৪ঃ ভাৰতৰ পৰা ব্যক্তিগত বিমানযোগে ডমিনিকালৈ মেহুল চোকচিৰ প্ৰত্যৰ্পণৰ নথি-পত্ৰ। পলাতক ভাৰতীয় ব্যৱসায়ী মেহুল চোকচিৰ ভাৰতৰ পৰা প্ৰত্যৰ্পণ সন্দৰ্ভত নিশ্চিত কৰিলে এণ্টিগুৱা আৰু বাৰ্বোডাৰ প্ৰধানমন্ত্ৰী গেষ্টন ব্ৰাউনে। এতিয়াৰে পৰা ডমিনিকা আৰক্ষীৰ জিম্মাত থাকিব মেহুল চোকচি। ডমিনিকাৰ এক ৰেডিঅ’ অনুষ্ঠানৰ জৰিয়তে গেষ্টন ব্ৰাউনে স্পষ্ট কৰে এই কথা। বিমানৰ জৰিয়তে মেহুল চৌকচিৰ প্ৰত্যৰ্পণৰ বাবে প্ৰয়োজনীয় নথি-পত্ৰ অনা হৈছে বুলি উল্লেখ কৰে প্ৰধানমন্ত্ৰীগৰাকীয়ে। ইণ্টাৰপ’লৰ ৰেড কৰ্ণাৰ ন’টিচ লাভ কৰা এগৰাকী বিতৰ্কিত ব্যৱসায়ী মেহুল চোকচি। মেহুল চোকচি মূলতঃ ভাৰতীয় নাগৰিক কিন্তু ভাৰতীয় আইনৰ পৰা ৰক্ষা পোৱাৰ উদ্দেশ্যেই এণ্টিগুৱাৰ নাগৰিকত্ব গ্ৰহণ কৰিছিল ব্যৱসায়ীগৰাকীয়ে। ১৩,৫০০ কোটি টকাৰ বেংক ঋণ জালিয়াতিৰ অপৰাধত অভিযুক্ত মেহুল চোকচি। ২০১৮ চনৰ পৰাই এণ্টিগুৱাত বসবাস কৰি আছে চোকচিয়ে। কিন্তু কিছুদিন পূৰ্বে এণ্টিগুৱাৰ পৰাও নিৰুদ্দিষ্ট হোৱাৰ পাছত ২৬ মে’ত ডমিনিকাত গ্ৰেপ্তাৰ কৰা হৈছিল চোকচিক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
