প্ৰষ্টেট কৰ্কটত আক্ৰান্ত প্ৰাক্তন মাৰ্কিন প্ৰেছিডেণ্ট জ বাইডেন। কেৱল বাইডেনেই নহয়, সমগ্ৰ পৃথিৱীত পুৰুষৰ মাজত হোৱা অন্যতম প্ৰধান কৰ্কট এয়া। কিন্তু চিকিৎসকে জনাইছে যে সময় মতে ধৰা পৰিলে এই ৰোগৰ চিকিৎসা সম্ভৱ। সেয়ে লজ্জা নাৰাখি প্ৰষ্টেট কৰ্কটৰ সাধাৰণ লক্ষণসমূহৰ দিশলৈ নজৰ ৰাখি স্বাস্থ্য বিশেষজ্ঞৰ পৰামৰ্শ লওক।
প্ৰস্ৰাৱৰ সমস্যা
ঘনে ঘনে প্ৰস্ৰাৱ, বিশেষকৈ নিশা প্ৰস্ৰাৱৰ বেগ বাঢ়ে। প্ৰস্ৰাৱ আৰম্ভ হলে ধৰি ৰাখিবলৈ অসুবিধা হোৱা আৰু প্ৰস্ৰাৱৰ ধাৰা দুৰ্বল বা ৰখি ৰখি প্ৰস্ৰাৱ হোৱা।
প্ৰস্ৰাৱত ৰক্ত বা বীৰ্যত ৰক্ত
প্ৰস্ৰাৱৰ সৈতে তেজ যোৱা অথৱা বীৰ্যৰ সৈতে তেজ যোৱাও প্ৰষ্টেট কৰ্কটৰ এক লক্ষণ হব পাৰে।
তলপেট বা কঁকালৰ তলত বিষ
তলপেট, কঁকাল, নিতম্ব বা উৰুৰ ওপৰৰ অংশত অস্বস্তি অনুভৱ কৰা, যি সাধাৰণ হাঁড়ৰ কৰ্কটত দেখা দিয়া লক্ষণ।
ইৰেকটাইল ডিছফাংছন
হঠাৎ লিংগ উত্থানত সমস্যাই দেখা দিলে ইও কৰ্কটৰ লক্ষণ হব পাৰে। অৱশ্যে ইয়াৰ অনন্য কাৰণো থাকিব পাৰে।
অজানা কাৰণত ওজন কমি যোৱা বা ক্লান্তি
কোনো নিৰ্দিষ্ট কাৰণ অবিহনেই শৰীৰৰ ওজন দ্ৰুত কমি যোৱা আৰু অতিৰিক্ত ক্লান্তি অনুভৱ কৰাও প্ৰষ্টেট কৰ্কটৰ লক্ষণ হব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
