অসম লাইভ২৪ঃ বৈদিক জ্যোতিষ অনুসৰি বুধ হৈছে শিক্ষা, জ্ঞান, বুদ্ধি, কৰ্মক্ষমতা, মনঃসংযোগ আৰু যোগাযোগ দক্ষতাৰ ওপৰত প্ৰভাৱ বিস্তাৰকাৰী কাৰক গ্ৰহ। ফলত বুধৰ চলন বা অৱস্থান পৰিবৰ্তনে জাতকৰ জীৱনক প্ৰভাৱিত কৰে। এই মাহৰ আৰম্ভনিতে অৰ্থাৎ ৬ নৱেম্বৰ সোমবাৰে বুধে বৃশ্চিক ৰাশিৰত গোচৰ কৰিব। বুধ হৈছে সূৰ্যৰ নিকটতম গ্ৰহ। চন্দ্ৰৰ পাছত বুধেই সকলোতকৈ দ্ৰুতভাৱে নিজৰ স্থান পৰিবৰ্তন কৰে। ১২ ৰাশিৰ মাজত বুধ মিথুন আৰু কন্যা ৰাশিৰ গ্ৰহ অধিপতি। আগন্তুত সোমবাৰে বৃশ্চিক ৰাশিত গোচৰ কৰিব বুধে। বৃশ্চিক ৰাশিৰ গ্ৰহ অধিপতি হৈছে মঙল। মঙল আৰু বুধ পৰস্পৰৰ শত্ৰু। বুধৰ এই অৱস্থান পৰিবৰ্তনৰ ফলত কোন কোন ৰাশিৰ জাতক লাভৱান হ’ব?
বৃষ ৰাশি
বৃষ ৰাশিৰ দ্বিতীয় আৰু পঞ্চম ঘৰৰ অধিপতি হৈছে বুধ। বুধৰ প্ৰভাৱত এই সময়ত প্ৰেমত সুখকৰ অভিজ্ঞতা হ’ব বৃষ ৰাশিৰ জাতকৰ। যিসকলৰ জীৱনত প্ৰেম আছে তেওঁলোকৰ বহুসংখ্যকৰেই বিবাহৰ কথা চলিব। দাম্পত্য জীৱনলৈ সুখ আৰু শান্তি আহিব। স্বামী-স্ত্ৰীৰ মাজত যিসকলৰ মনোমালিন্য চলি আছে সকলো মনোমালিন্য দূৰ হ’ব। এই সময়ত ব্যৱসায়তো লাভৰ মুখ দেখিব। শৰীৰ স্বাস্থ্য ভালেই থাকিব।
সিংহ ৰাশি
সিংহ ৰাশিৰ দ্বিতীয় আৰু একাদশ ঘৰৰ অধিপতি হৈছে বুধ। বুধৰ গোচৰৰ প্ৰভাৱত এই সময়ত আৰ্থিকভাৱে লাভৱান হ’ব সিংহ ৰাশিৰ জাতকসকল। পূৰ্বে বিনিয়োগ কৰা ধনৰ পৰা উপাৰ্জন বাঢ়িব। নিজৰ জীৱনযাত্ৰাত উন্নতিৰ বাবে কিছু ধন ব্যয়ো কৰিব পাৰে সিংহ ৰাশিৰ জাতকে। নতুন ঘৰ বা বাহন ক্ৰয় কৰিব পাৰে। ঘৰত কোনোধৰণৰ শুভ অনুষ্ঠানৰ আয়োজন কৰিব পাৰে। পেছাগত জীৱনত শুভ ফল পাব সিংহ ৰাশিৰ জাতকে।
কন্যা ৰাশি
কন্যা ৰাশিৰ দশম ঘৰ আৰু লগ্ন অধিপতি হৈছে বৃশ্চিক। বৃশ্চিক ৰাশিত বুধে প্ৰবেশ কৰিলে কন্যা ৰাশিৰ জাতকৰ যোগাযোগ ক্ষমতা বাঢ়িব। নিজৰ কথাৰেই সকলোকে মুগ্ধ কৰিব পাৰিব এই ৰাশিৰ জাতকে। ইয়াৰোপৰি লিখাৰ ক্ষমতাও বৃদ্ধি পাব। লেখক, সাংবাদিক, চিত্ৰ পৰিচালক, ষ্টেণ্ড আপ কমেডিয়ানৰ বাবে এই সময় শুভ। কামৰ বাবে ভ্ৰমণো কৰিব পাৰে। পিতৃৰ সৈতে সম্পৰ্ক উন্নীত হ’ব।
ধনু ৰাশি
ধনু ৰাশিৰ সপ্তম আৰু দশম ঘৰৰ অধিপতি হৈছে বুধ। বুধৰ গোচৰে আপোনাৰ পেছাগত জীৱনলৈ উন্নতিৰ বাৰ্তা কঢ়িয়াই আনিব। বিদেশৰ পৰাও কামৰ অফাৰ আহিব পাৰে। এই সময়ত হাতলৈ ধন আহিব ধনু ৰাশিৰ জাতকৰ। বিদেশ ভ্ৰমণৰ যোগ আছে। সংগীৰ সৈতে সম্পৰ্ক উন্নীত হ’ব। শৰীৰ খুব এটা ভালে নাযাব।
মকৰ ৰাশি
মকৰ ৰাশিৰ ষষ্ঠ আৰু নৱম ঘৰৰ অধিপতি হৈছে বুধ। বৃশ্চিক ৰাশিত বুধে গোচৰ কৰিলে খুব ভাল সময় কটাব মকৰ ৰাশিৰ জাতকে। এই সময়ত আপোনাৰ শত্ৰুৱে আপোনাৰ বুদ্ধিৰ ওচৰত পৰাজিত হ’ব। প্ৰতিযোগিতামূলক পৰীক্ষাৰ ভাল ফল আশা কৰি থকাসকলে কিঞ্চিৎ পৰিমানে ভাল ফল লাভ কৰিব। হঠাৎ হাতলৈ ধন আহিব। নিজৰ আপোনাজনৰ সহায় পাব এই ৰাশিৰ জাতকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
