২০২৩ ৰ অডিআই বিশ্বকাপৰ পাছত ক্ৰিকেট জগতৰ পৰা কিছু দূৰত্বত অৱস্থান কৰিছে মহম্মদ ছামিয়ে৷ শাৰীৰিক অসুস্থতাৰ বাবে ক্ৰিকেটৰ পৰা দূৰত্ব অৱলম্বন কৰি আছে৷ অৱশ্যে এই বৰ্ষত তেওঁ অষ্ট্ৰেলিয়া যাত্ৰাৰে আকৌ জাতীয় দললৈ উভতি অহাৰ কথা চলিছে৷ বিগত বছৰৰ অডিআই বিশ্বকাপৰ পাছৰে পৰা দীৰ্ঘদিন ধৰি চিকিৎসা গ্ৰহণ কৰি আছে৷
শেহতীয়াকৈ মহম্মদ ছামীয়ে দিয়া এক ফেছবুক পোষ্টে আকৌ এবাৰ ক্ৰিকেট প্ৰেমীক মনত পেলাই দিছে মহম্মদ ছামীৰ কথা৷ বিশেষ ভিডিঅ’টো তেওঁৰ ব্যক্তিগত জীৱনৰ সৈতে সম্পৰ্কিত৷ দীৰ্ঘদিনৰ অন্তত ছামী আৰু তেওঁৰ কন্যাৰ দেখাদেখি হৈছে৷ অৰ্থাৎ ছামী দীৰ্ঘবিৰতিৰ অন্তত লগ পাইছে তেওঁৰ কন্যাক৷ ভিডিঅ’টোৱে তুলি ধৰিছে কিমান অপেক্ষা কৰিছিল ছামীয়ে কন্যাৰ সৈতে লগ পাবৰ বাবে৷ কন্যাক সাবটি ভাবুক হৈ পৰিছে ছামী৷ ভিডিঅটোৱে চকু সেমেকাই তুলিছে অনুৰাগীৰো৷ কন্যা আৰু পিতৃৰ নিঁভাজ প্ৰেমৰ ছবিকেই তুলি ধৰিছে ভিডিঅটোৱে৷
https://www.facebook.com/reel/1065869971137530
দীৰ্ঘদিনক অন্তত কন্যা আইৰাৰ সৈতে সাক্ষাৎ হৈছে ছামীৰ৷ হাছিন জাহানৰ সৈতে বিচ্ছেদ হৈছে ভাৰতীয় ক্ৰিকেট তাৰকাগৰাকীৰ৷ তাৰপাছতেই তেওঁ কন্যা আইৰাকো বিশেষভাৱে লগ নাপায়৷ বহুদিন পাছত কন্যাৰ সৈতে সাক্ষাৎ হোৱাত আৱেগিকো হৈ পৰিছে ছামী৷
ছামীয়ে নিজৰ ইনষ্টাগ্ৰাম একাউণ্টত ভিডিঅ’টো শ্বেয়াৰ কৰি কেপশ্ব্যনত লিখিছে, ‘দীৰ্ঘদিন পাছত তাইক দেখিলো৷ মোৰ বাবে সময় যেন থমকি ৰৈছে৷ তোমাক খুব ভালপাওঁ বেবো৷ কথাৰে এই কথা বুজায় ক’ব নোৱাৰো৷’ এই ভিডিঅ’ত ছামী আৰু আইৰাক দেখা গৈছে এক শ্বপিং মলত৷ কাঢ়া নিৰাপত্তাবেষ্টনীৰ মাজত ছামী আৰু আইৰাই শ্বপিং কৰাও ভিডিঅ’টোত পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
