সুযোগ পোৱাৰ পিছতো দলৰ সৈতে নাথাকিল মহম্মদ ছামী, প্ৰতিবেদনত প্ৰকাশ বিস্ফোৰত তথ্য
ভাৰতৰ ইংলেণ্ড ভ্ৰমণৰ পূৰ্বে প্ৰকাশ পাইছে নতুন অধিনায়কৰ নমাৰ লগতে দলৰ নাম। কিন্তু এই শৃংখলাৰ পৰা বাদ পৰিছে মহম্মদ ছামী। আঘাতৰ বাবে তেওঁ অন্তিমখন অষ্ট্ৰেলিয়া শৃংখলাতো খেলিব পৰা নাছিল।
সুস্থতাৰ পিছত ক্ৰিকেটলৈ ঘূৰি আহিলেও নিৰ্বাচকসকলে এতিয়াও ছামীক ইংলেণ্ডৰ বাবে ফিট বুলি ধৰা নাই। যাৰ পিছতে ছামিৰ ফিটনেছক লৈ পুনৰ প্ৰশ্ন উত্থাপন হ’বলৈ ধৰিছে।
দেশতেই হওক বা বিদেশতেই হওক, টেষ্ট ক্ৰিকেটত টিম ইণ্ডিয়াৰ অন্যতম নিৰ্ভৰযোগ্য খেলুৱৈ হৈছে ছামী। বুমৰাহৰ লগতে বলিঙত ছামী ভাৰতীয় দলৰ অন্যতম শক্তি।
কিন্তু এই মহাশক্তি মহম্মদ ছামী এতিয়া দলৰ পৰা দূৰত। পিটিআইয়ে ছামীৰ বিষয়ে প্ৰকাশ কৰা এক প্ৰতিবেদন অনুসৰি দল পৰিচালনা সমিতিয়ে ছামীক অষ্ট্ৰেলিয়া ছিৰিজৰ বাবে দলত যোগদান কৰিবলৈ অনুৰোধ জনাইছিল। কিন্তু ৰেডবল ক্ৰিকেটৰ পৰা নিজকে আঁতৰাই ৰাখিছে ছামীয়ে নিজেই। কাৰণ ছামীৰ শৰীৰ এতিয়াও সাজু নহয় ৰেডবল ক্ৰিকেটৰ বাবে।
মহমম্দ ছামীয়ে অৱশ্যে এতিয়াও সুস্থতাৰ পৰা উঠাৰ পাছত ভাৰতীয় জাতীয় দলৰ সৈতে খেলা নাই, অৱশ্যে তেওঁ ৰঞ্জি ট্ৰফীত খেলিছিল। তথাপি মাত্ৰ ৪৩ অভাৰতহে বলিং কৰিছিল।
যদিও ছামীয়ে এইবাৰ আই পি এলত হায়দৰাবাদৰ হৈ খেলিছিল, তথাপি নিজৰ ফৰ্ম দেখুৱাব নোৱাৰিলে। ৯ খন মেচত মাত্ৰ ৬ টা উইকেটহে দখল কৰিবলৈ সক্ষম হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
