হোলীৰ মাজতে গুৱাহাটীত তিনি কিশোৰীৰ সৈতে অপকৰ্ম, এতিয়াহে পোহৰলৈ ঘটনা, দুই অভিযুক্ত কোনোমতে আটক
হোলীৰ উল্লাহৰ মাজতে গুৱাহাটী মহানগৰীত সংঘটিত হৈছে কিশোৰীৰ সৈতে অপকৰ্মৰ ঘটনা। মঙলবাৰতে সংঘটিত হোৱা ঘটনা কালিহে পোহৰলৈ আহে। তিনি কিশোৰীৰ সৈতে সংঘটিত হৈছে এই ঘটনা।
ঘটনা সন্দৰ্ভত ইতিমধ্যে আৰক্ষীয়ে দুই অভিযুক্তক আটক কৰিছে, আনহাতে এই ঘটনাৰ মাষ্টাৰ মাইণ্ড বৰ্তমানেও পলাতক অৱস্থাত। সন্ধান অব্যাহত আৰক্ষীৰ।
জানিব পৰা মতে, ২৬ মাৰ্চ মঙলবাৰে গুৱাহাটী মহানগৰীৰ ভৰলুমুখ অঞ্চলত সংঘটিত হৈছে এই জঘন্য ঘটনা। ঘৰত কোনো নথকাৰ সুযোগ লৈ হোলী খেলিম বুলি লৈ গৈছিল তিনিও কিশোৰীক।
এখন ইন’ভা বাহনত লৈ গৈছিল তিনিও কিশোৰীকে । পাছত পাষণ্ডৰ দলটোৱে নিজে সুৰাপান কৰাৰ লগতে কিশোৰী কেইগৰাকীকো অত্যাধিক মাত্ৰাত সুৰাপান কৰোৱাই অচেতন অৱস্থাত বাহনৰ ভিতৰতে সংঘটিত কৰে এই ঘটনা।
ঘটনাৰ বিষয়ে জানিব পৰাৰ লগে আৰক্ষীয়ে সন্ধান চলাই ঘটনাৰ দুই অভিযুক্ত ৰাজু আলী আৰু মণ্ডল আলীক আটক কৰাৰ লগতে ঘটনা সংঘটিত কৰা AS01BW8143 নম্বৰৰ ইন’ভা বাহনখনো জিম্মালৈ নিয়ে।
POSCO আইনৰ অধীনত ২২৬/২৪ নম্বৰত ৰুজু হৈছে গোচৰ , গোচৰ নম্বৰ Section 328/376/POSCO4/8, ঘটনাটোক লৈ মাৰ যোৱা নাই চাঞ্চল্য । পলাতক মাষ্টাৰমাইণ্ড ইনামুলক বিচাৰি ভৰলু আৰক্ষীৰ অভিযান অব্যাহত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
