অসম লাইভ ২৪ঃ সোমবাৰে আৰম্ভ হ’ব সংসদৰ বৰ্ষাকালীন অধিৱেশন। অধিৱেশনৰ পূৰ্বেই ৫ গৰাকী সাংসদ ক’ৰোনা পজিটিভ হিচাপে চিনাক্ত হৈছে। অধিৱেশনৰ পৰিপ্ৰেক্ষিতত সংসদ ভৱনৰ কৰ্মচাৰী, সাংসদ, সুৰক্ষাকৰ্মী আনকি সংবাদমাধ্যমৰ প্ৰতিনিধিৰো ক’ৰোনা পৰীক্ষা কৰা হৈছে। এই ক্ষেত্ৰত AIIMSৰ সহায় লৈছে লোকসভা সচিবালয়ে। ১ অক্টোবৰ পৰ্যন্ত চলিব সংসদৰ অধিৱেশন। সামাজিক ব্যৱধানৰ ওপৰত বিশেষ গুৰুত্ব আৰোপ কৰা হ’ব সদনত। পুৱা ৯ বজাৰ পৰা ১ বজালৈ ৰাজ্যসভা আৰু বিয়লি ৩ বজাৰ পৰা সন্ধিয়া ৭ বজালৈ চলিব লোকসভাৰ অধিৱেশন। আনহাতে পৰম্পৰা অনুসৰি অনুষ্ঠিত হ’বলগীয়া সৰ্বদলীয় বৈঠক এইবাৰ বাতিল হ’ল। ক’ৰোনাৰ পৰিপ্ৰেক্ষিতত অনুষ্ঠিত নহ’ল সৰ্বদলীয় বৈঠক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
