আজি ২৯ মাৰ্চ তাৰিখ শুকুৰবাৰে দুপৰীয়াৰ সময়ত সংঘটিত হয় এক অতিকে শিহৰণকাৰী ঘটনা। মোমায়েকে কাটি দুচেও কৰিলে ভাগিনক। শৰীৰৰ পৰা মুণ্ড বিচ্ছিন্ন কৰি কটা শিৰ লৈ ৰাজপথত মোমায়েক।
হাতত তেজ লাগি থকা দা। দা দেখি ভয় খাই ওচৰ চাপি যাব পৰা নাই সাধাৰণ জনতা। কাষতে পৰি আছে কটা মুণ্ড। কটা মুণ্ডৰ কাণত ধৰি উঠাই আনিছে ঘৰৰ পৰা।
এই গাৰ নোম এডাল এডাল কৰি দিয়া ঘটনা সংঘটিত হৈছে এইখন অসমৰে মৰিগাঁও জিলাত। জিলা খনৰ ময়নগুড়িৰ পৰা আহিছে এই খবৰ। খবৰ অনুসৰি এগৰাকী মোমায়েকে কাটি মাৰি পেলালে ভাগিনক।
ঘটনা সন্দৰ্ভত জানিব পৰা অনুসৰি, মাটি-বাৰী সংক্ৰান্তীয় বিবাদৰ বাবে সংঘটিত এই কাণ্ড। প্ৰথমে কাজিয়া, তাৰ পাছত ক্ৰোধে মূৰ পাই আৰু একো নাই হৈ খঙৰ কোবতে মোমায়েক ৰূপম লস্কৰে দাৰে ঘপিঁয়াই শিৰচ্ছেদ কৰে ভূমিক কোঁৱৰ নামৰ লোকজনক।
ঘটনাৰ বিষয়ে জানিব পৰাৰ লগে লগে ঘটনাস্থলীত আৰক্ষী উপস্থিত হৈ ৰূপম লস্কৰক আটক কৰাৰ লগতে ঘটনাত ব্যৱহৃত দা খনো উদ্ধাৰ কৰে লগতে মৃতদেহো উদ্ধাৰ কৰি মনণোত্তৰ পৰীক্ষাৰ বাবে প্ৰেৰণৰ ব্যৱস্থা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
