নাম তেওঁৰ ছুফিয়া ৰিয়াধ৷ স্বামীৰ নাম আদম ৰিয়াধ৷ দুয়ো তিনি সন্তানৰ মাতৃ-পিতৃ৷
দুয়োৱে ২০১৯ চনত মেজেণ্টা ফ্ল’ৱাৰ্ছ নামেৰে এক ব্যৱসায়িক প্ৰতিষ্ঠান আৰম্ভ কৰে৷ বিভিন্ন অনুষ্ঠানৰ বাবে ফুলবোৰ সংৰক্ষণ কৰি সেইবোৰ পুনৰ গৰাকীকৈ স্মৃতি হিচাপে বিশেষ পেকেজ কৰি প্ৰেৰণ কৰে৷ ইতিমধ্যে তেওঁলোকে এইদৰে প্ৰায় ৪ হাজাৰ অৰ্ডাৰ ডেলিভাৰী কৰিছে৷
দম্পতীহালে এই ব্যৱসায়িক প্ৰতিষ্ঠানটোকে এতিয়া সম্প্ৰসাৰণ কৰিছে৷ কিন্তু তেওঁলোকৰ ফুলৰ বাবে ব্যৱসায় সম্প্ৰসাৰণ কৰা নাই৷ তেওঁলোকে এক বিশেষ ব্যৱসায়ৰ বাবেহে ইয়াৰ সম্প্ৰসাৰণ কৰিছে৷
লগতে পঢ়ক ‘কৰমুক্ত কৰাৰ কি দৰকাৰ? ইউটিউবত আপলোড কৰক সকলোৱে চাব পাৰিব’
দম্পতীহালে এই সম্প্ৰসাৰণ কৰি ২০২৩ চনৰ ভিতৰত প্ৰায় ১৫ কোটি টকাৰ ব্যৱসায় কৰাৰ বাবে লক্ষ্য স্থিৰ কৰি লৈছে৷ এতিয়া প্ৰশ্ন হ’ল তেওঁলোকে কি ব্যৱসায় কৰি এই বৃহৎ পৰিমাণৰ টাৰ্ণ অ’ভাৰৰ লক্ষ্য নিৰ্ধাৰণ কৰিছে?
প্ৰকাশিত বাতৰি মতে দম্পতীহালে মাতৃদুগ্ধৰ গহনাৰ ব্যৱসায়েৰে এই লক্ষ্য স্পৰ্শ কৰিবলৈ স্থিৰ কৰি লৈছে৷ ব্ৰিটিছ সংবাদ পত্ৰ দ্য মি’ৰৰ মতে লকডাউনৰ সময়তে দম্পতী হালে মাতৃদুগ্ধ গহনা সম্পৰ্কে এক প্ৰৱন্ধ পঢ়িবলৈ পাইছিল৷ আৰু তেতিয়াই তেওঁলোকে ইয়াক ব্যৱসায় হিচাপে গ্ৰহণ কৰিবলৈ সংকল্প গ্ৰহণ কৰে৷
প্ৰকাশ পোৱা মতে এতিয়া বিশ্ব বজাৰত দুগ্ধ গহনাৰ ব্যৱসায় বৃদ্ধি পাবলৈ আৰম্ভ কৰিছে৷ দম্পতীহালে মাতৃসকলৰ সৈতে যোগাযোগ কৰি তেওঁলোকৰ পৰা দুগ্ধ সংগ্ৰহ কৰি সংৰক্ষণ কৰে৷
লগতে পঢ়ক ‘স্বামীৰ দ্বাৰাই হওক বা আনৰ দ্বাৰাই হওক, ধৰ্ষণ ধৰ্ষণেই’ উচ্চ ন্যায়ালয়ৰ যুগান্তকাৰী ৰায়
‘দুগ্ধপানক স্মৃতিক যুগমীয়া কৰক’ বাৰ্তাৰে তেওঁলোকে মাতৃসকলৰ পৰা দুগ্ধ সংগ্ৰহ কৰে৷ এইদৰে সংৰক্ষণ কৰি গাখীৰবোৰ কঠিন মূল্যৱান ষ্টনলৈ পৰিৱৰ্তিত কৰি লোৱা হয়৷
চুফিয়াই প্ৰকাশ কৰা মতে ইয়াৰ দ্বাৰা মাতৃ আৰু কেঁচুৱাৰ মাজত এক আৱেগিক সম্পৰ্কক স্মৰণীয় কৰি তুলি ভৱিষ্যতে ইয়াক উদযাপন কৰিবলৈ তেওঁলোকে মাতৃসকলক উৎসাহিত কৰিছে৷
যিগৰাকী মাতৃয়ে তেওঁক সন্তানৰ দুগ্ধপানক যুগমীয়া স্মৃতিৰে সাঁচি ৰাখিব খোজে তেওঁ ৰিয়াধ দম্পতীক সংৰক্ষণ কৰিবলৈ ৩০ মিলি লিটাৰ গাখীৰ প্ৰদান কৰিব লাগে৷ দম্পতীহালে সেই গাখীৰ পৰাই দুগ্ধ গহনা প্ৰস্তুত কৰি উলিয়ায়৷
লগতে পঢ়ক জ্যেষ্ঠ ভগ্নীয়ে আৱেগিক আহ্বানেৰে কি ক’লে মুখ্যমন্ত্ৰী যোগী আদিত্যনাথক?
প্ৰতিবেদনত কোৱা হৈছে যে দম্পতীহালে বহু গৱেষণাৰ অন্তত গাখীৰক মূল্যৱান শিললৈ ৰূপান্তৰিত কৰাৰ পদ্ধতি আৱিষ্কাৰ কৰি উলিয়াইছে৷ ৰিয়াধ দম্পতীহালৰ মতে গাখীৰক শিললৈ ৰূপান্তৰিত কৰিলেও গাখীৰৰ ৰং বিশুদ্ধ হৈয়ে থাকে৷
এইদৰেই দম্পতী হালে মাত্ৰ এটা বছৰৰ ভিতৰতে ১৫ কোটি টকাৰ মাতৃদুগ্ধ গহনাৰ ব্যৱসায় কৰাৰ লক্ষ্য নিৰ্ধাৰণ কৰি লৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
