এইবাৰ দ্য কাশ্মীৰ ফাইলছক লৈ চলা বিতৰ্কই দিল্লী বিধানসভাৰ মজিয়াতো পালেগৈ৷ বুধবাৰে দিল্লী বিধানসভাৰ বাজেট অধিবেশনৰ উপ ৰাজ্যপালৰ ভাষণৰ সময়ত এগৰাকী বিজেপি বিধায়েক দিল্লীত দ্য কাশ্মীৰ ফাইলছক কৰমুক্ত কৰিবলৈ দাবী জনাইছে হাল্লগোল কৰিছিল৷
ইয়াৰ প্ৰত্যুত্তৰ দিল্লীৰ উপ মুখ্যমন্ত্ৰী মনীষ চিচোড়িয়াই বিজেপিক কটাক্ষ কৰি কৈছিল যে কেন্দ্ৰীয় চৰকাৰে কেন্দ্ৰীয় জিএছটি ৰেহাই দিলেই সমগ্ৰ দেশতে ছবিখন কৰমুক্ত হৈ যাব৷
আম আদমি পাৰ্টিৰ মুখ্য আহ্বায়ক তথা দিল্লীৰ মুখ্যমন্ত্ৰী অৰবিন্দ কেজৰিৱালে সেই ধাৰা বৰ্তাই ৰাখি আজিও দিল্লী বিধানসভা মজিয়াত কেন্দ্ৰৰ বিজেপি চৰকাৰ আৰু বিবেক অগ্নিহোত্ৰীক কটাক্ষ কৰিছে৷
লগতে পঢ়ক জ্যেষ্ঠ ভগ্নীয়ে আৱেগিক আহ্বানেৰে কি ক’লে মুখ্যমন্ত্ৰী যোগী আদিত্যনাথক?
দিল্লীৰ মুখ্যমন্ত্ৰীগৰাকীয়ে প্ৰশ্ন কৰে ‘‘দ্য কাশ্মীৰ ফাইলছক কৰমুক্ত কৰাৰ কি দৰকাৰ?’’
যদি ছবিখন দেশৰ জনতাই চোৱাটো ইমানেই প্ৰয়োজন তেনে ছবিখন ইউটিউবত আপলোড কৰক বুলিও বিজেপিক কটাক্ষ কৰে কেজৰিৱালে৷
‘‘যদি দেশৰ জনতাই ছবিখন ফ্ৰীতে চাব লাগে তেনে ইউটিউবত আপলোড কৰিবলৈ বিবেক অগ্নিহোত্ৰীক কৈ দিয়ক৷ একেদিনাই দেশৰ জনতাই ফ্ৰীতে ছবিখন চাব পাৰিব৷’’ বিধানসভাৰ মজিয়াত এইদৰে কয় দিল্লীৰ মুখ্যমন্ত্ৰী অৰবিন্দ কেজৰিৱালে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
