ককাক ভাৰতৰ অন্যতম মহাতাৰকা৷ নব্যা নভেলি নন্দাৰ অৱশ্যে তাৰকা হোৱাৰ মন নাই৷ তাৰকা পৰিয়ালৰ নাতিনী হৈয়ো তেওঁ বাচি লৈছে মেনেজমেণ্টৰ শিক্ষাহে৷ সেইদৰে প্ৰস্তুতি আৰম্ভ কৰিছে অমিতাভৰ নাতিনী নব্যাই৷ সোমবাৰে পুৱা নিজৰ সপোন পূৰণৰ কথা ইনষ্টাগ্ৰামযোগে জনাইছে নব্যাই৷
আমদাবাদৰ আই আই এমত ভৰ্তি হৈছে নব্যা৷ আগন্তুক দুবছৰ সেয়ে তেওঁ তাতেই পঢ়াশুনা কৰিব বুলি ইনষ্টাগ্ৰাম পোষ্টযোগে জনাইছে৷ এইখিনিতেই এতিয়া বহুতৰে মনত প্ৰশ্ন উঠিছে নব্যাৰ যোগ্যতাক লৈ৷ নব্যাই যি পোষ্ট দিছে সেই পোষ্টৰ তলত আহিছে এটাৰ পাছত আনটো কটাক্ষভৰা কমেণ্ট৷ কোনোৱে কৈছে, ‘বিশেষ সুযোগ নাই বাবেই এতিয়া এইফালেই ঢাপলি মেলিছে৷ কোনোৱে কৈছে, ‘অমিতাভৰ নাতিনীৰ প্ৰভাৱ খটুৱাইছে৷’ এইবাৰ নব্যাৰ হৈ সেয়ে নিজেই উত্তৰ দিছে বিশ্ববিদ্যালয় কৰ্তৃপক্ষই৷
বিশ্ববিদ্যালয়ৰ আইআইএমৰ এগৰাকী অধ্যপিকাই নব্যাৰ হৈ দিছে বিশেষ উত্তৰ৷ তেওঁ লিখিছে, ‘এম বি এ পঢ়িবলৈ হ’লে আগন্তুক দুবছৰ আমদাবাদতেই থাকিব লাগিব নব্যা৷’ প্ৰস্তুতি পৰ্বত যিসকল শিক্ষকে তেওঁক সহায় কৰিছে তেওঁলোকৰ সৈতে ছবি পোষ্ট কৰিছে নব্যাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
