আজি খেলপথাৰত নামিব জেভলিন কিং নীৰজ, কেই বজাত আছে খেল…
২০২৪ চনৰ পেৰিছ অলিম্পিক আৰম্ভ হোৱাৰ প্ৰায় ১০ দিন পাৰ হ’ল। ভাৰতে এই পৰ্যন্ত মুঠ ৩টা পদক অৰ্জন কৰিছে। তিনিওটা পদকেই ব্ৰঞ্জ। সেয়ে সোণৰ পদকৰ বাবে অধীৰ আগ্ৰহেৰে বাট চাইছে দেশবাসীয়ে। পাছে কোনে দিব সোণ, এই ক্ষেত্ৰত অন্য কেইবাটাও নাম থাকিলে নিশ্চিত সোণ বুলি নাম নীৰজৰ।
জেভলিন কিং তথা ভাৰতীয় কিংবদন্তি নীৰজ চোপ্ৰাক কেতিয়া দেখা যাব খেলপথাৰত , এতিয়া অনুৰাগীৰ মনত প্ৰশ্ন উত্থাপন হৈছে। ভাৰতক প্ৰতিনিধিত্ব কৰিব নীৰজ চোপ্ৰাই জেভলিন নিক্ষেপত। অনুৰাগীয়ে আজি ৬ আগষ্টত নীৰজ চোপ্ৰাৰ খেল চাবলৈ পাব। নীৰজ চোপ্ৰাৰ উপৰিও পুৰুষ জেভলিন থ্ৰোত আন এগৰাকী ভাৰতীয় খেলুৱৈ কিশোৰ জেনাৰো খেল আছে।
আজি ৬ তাৰিখে নীৰজে অনুষ্ঠান পৰিৱেশন কৰা দেখা যাব। দিনৰ ১:৫০ বজাৰ পৰা আৰম্ভ হ’ব গ্ৰুপ এৰ অৰ্হতা ইভেণ্ট। আনহাতে, আজিৰ দিনটোতে বিয়লি ৩.২০ বজাৰ পৰা আৰম্ভ হ’ব গ্ৰুপ বি ইভেণ্ট। অৰ্হতা ৰাউণ্ডত যোগ্যতা অৰ্জন কৰাৰ পাছত অহা ৮ আগষ্টত ফাইনেলত নীৰজত প্ৰদৰ্শন কৰা দেখা যাব। ৮ আগষ্টৰ নিশা ১১:৫৫ বজাৰ পৰা আৰম্ভ হ’ব ফাইনেল।
উল্লেখ্য যে, নীৰজ চোপ্ৰাই টকিঅ’ অলিম্পিক ২০২০ত ৮৭.৫৮ মিটাৰ জেভেলিন নিক্ষেপ কৰি স্বৰ্ণ পদক লাভ কৰি ইতিহাস ৰচনা কৰিছিল। অভিনৱ বিন্দ্ৰাৰ পিছত তেওঁ বিশ্ব চেম্পিয়নশ্বিপ পৰ্যায়ত এথলেটিকছত স্বৰ্ণ পদক লাভ কৰা দ্বিতীয়জন ভাৰতীয়। এইবাৰো সোণৰ পদকৰ প্ৰৱল দাবিদাৰ নীৰজ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
