অসম লাইভ ২৪ঃ ‘ব্লেক আইভৰি কফি’— বিশ্বৰ অন্যতম ব্যয়বহুল কফি৷ সুস্বাদু আৰু সুগন্ধিৰ সমাহাৰ ‘ব্লেক আইভৰি কফি’৷ এই কফিৰ উৎপত্তিস্থল থাইলেণ্ড৷ বিশ্বৰ বিভিন্ন প্ৰান্তত অতি জনপ্ৰিয় এই ব্লেক আইভৰি কফি৷ কিন্তু কফিৰ এই সুগন্ধিৰ আঁৰত আছে এটি আশ্বৰ্যকৰ ৰহস্য৷ কাৰণ হাতীৰ মল ব্যৱহাৰ কৰি তৈয়াৰ কৰা হয় ব্লেক আইভৰি কফি৷ এই কথা জনাইছে খুদ কফি প্ৰস্তুতকাৰী সংস্থাৰ মালিক ব্লেক ডানকিনে৷ উচ্চ গুণবিশিষ্ট তথা স্বাদযুক্ত এই কফিৰ এক কেজিৰ দাম ভাৰতীয় হিচাপত ২৬ হাজাৰ টকা৷ ‘ব্লেক আইভৰি কফিত ব্যৱহাৰ কৰা হাতীৰ বিষ্ঠাও তৈয়াৰ কৰা হয় পৃথকধৰণেৰে৷ কফিত যিসমূহ হাতীৰ বিষ্ঠা প্ৰয়োগ কৰে সেইসমূহ হাতীৰ লালন-পালনৰ প্ৰক্ৰিয়াও সুকীয়া৷ হাতীসমূহক বিশেষধৰণেৰে খাবলৈ দিয়া হয় আৰবৰ এক চেৰী৷ ফল-মূল আৰু বিভিন্ন ধৰণৰ স্বাদযুক্ত আহাৰ খাবলৈ দিয়ে হাতী সমূহক৷ আৰা তাৰ পাছত সেই হাতীয়ে ত্যাগ কৰা মল প্ৰয়োগ কৰে বিশেষ কফি তৈয়াৰ কৰোতে৷ হাতী তৃণভোজী বাবে হাতীৰ বিষ্ঠাও সুগন্ধিযুক্ত বুলি উল্লেখ কৰিছে ব্লেক ডানকিনে৷
কি দৰে তৈয়াৰ কৰা হয় কফিত ব্যৱহাৰ কৰা হাতীৰ বিষ্ঠা?
প্ৰথমে হাতীৰ বিষ্ঠা সংগ্ৰহ কৰি পৰিস্কাৰ কৰা হয় আৰু ৰ’দত শুকাবলৈ দিয়া হয়৷ ভালদৰে শুকুৱাৰ পাছত ওপৰৰ ভাগ পেলাই দিয়া হয় আৰু যন্ত্ৰৰ সহায়ত গুৰি কৰি লোৱা হয়৷ তাৰ পাছত এক বিশেষ প্ৰক্ৰিয়াৰে ভাজি লৈ কফি তৈয়াৰ কৰোতে প্ৰয়োগ কৰে এই হাতীৰ বিষ্ঠা৷ আপুনিও খাব বিচাৰেনে এই সুস্বাদু ‘ব্লেক আইভৰি কফি’?
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
