মিল্কিৱেৰ ছায়াপথৰ ঠিক মধ্যমণি সেয়াই বিশাল কৃষ্ণগহ্বৰ বা ব্লেক হোল৷ তাক লৈ বিজ্ঞানীৰ গৱেষণাৰ অন্ত নাই৷ আৰু কিছু নতুন তথ্য ব্লেক হলক লৈ লাভ কৰিছে বিজ্ঞানীয়ে৷ কৃত্ৰিম বুদ্ধিমত্তাৰ সহায়ত নতুন গৱেষণাত এই সমস্ত তথ্য পোৱা গৈছে যি ব্লেক হোলক লৈ বিজ্ঞানীৰ বহু পুৰণি ধাৰণাও সলাই পেলাইছে৷ তেওঁলোকে জনাইছে যে মিল্কিৱেৰ ব্লেক হোল চাজিটাৰিয়াছ এ বা এছ জি আৰ এ সৰ্বোচ্চ গতিত নিৰন্তৰে পাক খাইছে নিজৰ অক্ষৰ চৌপাশে৷
ব্লেক হোল কি?
এক নক্ষত্ৰৰ মৃত্যুতেই মহাকাশত ব্লেক হোলৰ জন্ম লয়৷ এয়া অসীম এক অন্ধকাৰ গহ্বৰ৷ ব্লেক হোলৰ ক্ষমতা ইমানেই বেছি যে তাৰ মাজৰ পৰা পোহৰো বাহিৰলৈ ওলাব নোৱাৰে৷ ব্লেক হোলে গিলি পেলাব পাৰে আশে পাশে থকা সৰু বৰ বহু নক্ষত্ৰকো৷ ইয়াৰ মাজৰ পোহৰ বাহিৰলৈ ওলাব নোৱাৰে বাবেই বিজ্ঞানীৰ ওচৰত ব্লেক হোল এতিয়াও এক বিৰাট ৰহস্য৷ বহুতেই কয়, ব্লেক হোলৰ ৯৯শতাংশই এতিয়াও অজানা৷ আমাৰ পৃথিৱী আৰু সৌৰজগত যি ছায়াপথৰ মাজত আছে তাৰ মাজৰ ব্লেক হোলটোৰ নাম এছ জি আৰ এ৷ ইয়াৰ ভৰ সূৰ্যৰ ভৰতকৈ ৪৩ লাখ গুণ বেছি৷ সহজ কথাত এই ব্লেক হোলৰ মাজত সোমাই পৰিব পাৰে প্ৰায় ৪৩ লাখ সূৰ্য৷ পৃথিৱীৰ পৰা এই ব্লেক হোলৰ দূৰত্ব প্ৰায় ২৬ হাজাৰ আলোকবৰ্ষ৷ সাধাৰণতে এক ছেকেণ্ডত তিনি লাখ কিঃমিঃ দূৰলৈ যাব পাৰে পোহৰ৷ পদাৰ্থবিদ্যাৰ হিচাপে সৰ্বোচ্চ গতি এটাই৷ পোহৰতকৈ দ্ৰুতগতিত একোৱেই যাত্ৰা কৰিব নোৱাৰে৷ মিল্কিৱেৰ ব্লেক হোলৰ ঘূৰ্ণন গতিও পোহৰৰ সমান বুলিয়েই ধাৰণা কৰা হৈছে৷
কেনেকৈ চলিছে এই গৱেষণা
ব্লেক হোল পৰ্যবেক্ষণৰ বাবে ব্যৱহাৰ কৰা হৈছে ইভেণ্ট হৰাইজন টেলিস্কোপ৷ কৃষ্ণগহ্বৰৰ স্পষ্ট ছবি তোলাৰ বাবে বছৰৰ পাছত বছৰ ধৰি কাম কৰি চলিছে এই টেলিস্কোপ৷ যি ছবি তোলা হৈছে কৃত্ৰিম বুদ্ধিমত্তাৰ সাহায্যত তাৰ বাখ্যা কৰিছে বিজ্ঞানীয়ে৷ ব্লেক হোলৰ এখন ভাৰ্ছুৱেল ছবি এ আইৰ মাধ্যমেৰে আগবঢ়োৱা হৈছে৷ নেদাৰলেণ্ডছৰ ৰাডবোৰ্ড বিশ্ববিদ্যালয় আৰ জাৰ্মানীৰ মেক্স প্লেঙ্ক ইনষ্টিটিউট ফৰ ৰেডিঅ’ এষ্ট্ৰোনমিৰ গৱেষক দলৰ এই সংক্ৰান্তিয় সাম্প্ৰতিক পৰ্যবেক্ষণ এষ্ট্ৰোনমি এণ্ড এষ্ট্ৰোফিজিক্স পত্ৰিকাত প্ৰকাশিত হৈছে৷
কি কি তথ্য লাভ?
পৰ্যবেক্ষণে কৈছে, পদাৰ্থবিদ্যাৰ হিচাপত সৰ্বোচ্চ গতিত ঘূৰিছে মিল্কিৱেল ব্লেক হোল৷ তাৰ ঘূৰ্ণন অক্ষটোৱে পৃথিৱীৰ দিশক নিৰ্দেশ কৰিছে৷ ব্লেক হোলৰ চাৰিওফালে যি আভা দেখা গৈছে সেয়া তৈয়াৰ হৈছে গৰম ইলেকট্ৰনৰ প্ৰভাৱত৷ ব্লেক হোলটোৰ চাৰিওফালে যি চৌম্বকীয় ক্ষেত্ৰত আছে সেই সম্বন্ধেও বিজ্ঞানীসকলৰ প্ৰচলিত ধাৰণা সলনি হৈছে নতুন পৰ্যবেক্ষণত৷
পৃথিৱীৰ পৰা ৫.৫ কোটি আলোকবৰ্ষ দূৰৈত অন্য এক ছায়াপথৰ মাজত আছে প্ৰকাণ্ড ব্লেক হোল এম ৮৭৷ ই এইছ টি টেলিস্কোপৰ সহায়ত নজৰ ৰখা হৈছে ইয়াৰ ওপৰত৷ এই মিল্কিৱেৰ এছ জি আৰ এৰ আকাৰ কেইবা হাজাৰ গুণ ডাঙৰ৷ এবাৰতেই গিলি দিব পাৰে তিনি হাজাৰ কোটি সূৰ্যক৷ কিন্তু বিস্ময়ৰ বিষয় হৈছে এই ব্লেক হোলটোৰ ঘূৰ্ণন গতি মিল্কিৱেৰ ব্লেক হোলতকৈ বহু কম৷ বিজ্ঞানীৰ ধাৰণা, এয়া আৰু এটা অতিকায় ব্লেকহোলৰ সৈতে মিলি গৈছে৷ বিজ্ঞানী আশাবাদী যে, ভৱিষ্যতে ডাঙৰ আকাৰৰ টেলিস্কোপেৰে আৰু দূৰৈৰ ব্লেক হোলক লৈ গৱেষণা চলাব বিজ্ঞানীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
