সম্পূৰ্ণ টোল ছিষ্টেমেই নাইকিয়া কৰি দিব কেন্দ্ৰীয় চৰকাৰে, বহু ঠাইত ইতিমধ্যে কাৰ্যকৰী
কেন্দ্ৰীয় পথ পৰিবহণ মন্ত্ৰী নিতিন গাডকাৰীৰ ডাঙৰ ঘোষণা, দেশৰ পৰা সম্পূৰ্ণ নাইকিয়া কৰা হব টোল ছেষ্টেম। এতিয়াৰ পৰা ৰাজপথত নাপাব কোনো টোল গেট। সকলো টোল গেটেই উঠাই দিব কেন্দ্ৰীয় চৰকাৰে। ইতিমধ্যে কাৰ্যকৰী বহু ঠাইত।
আজি শুকুৰবাৰ ২৬ জুলাই তাৰিখে মন্ত্ৰীগৰাকীয়ে কয় যে চৰকাৰে টোল বিলুপ্ত কৰি অতি সোনকালে উপগ্ৰহ ভিত্তিক টোল সংগ্ৰহ ব্যৱস্থা আৰম্ভ কৰিব। এই ব্যৱস্থা ৰূপায়ণৰ আঁৰৰ উদ্দেশ্য হৈছে টোল সংগ্ৰহ বৃদ্ধি কৰা আৰু টোল প্লাজাত ভিৰ হ্ৰাস কৰা।
ৰাজ্যসভাত লিখিত উত্তৰ দিওঁতে মন্ত্ৰীগৰাকীয়ে লগতে কৈছিল যে পথ পৰিবহণ আৰু ঘাইপথ মন্ত্ৰালয়ে গ্ল’বেল নেভিগেচন চেটেলাইট চিষ্টেম (জিএনএছএছ) ৰূপায়ণ কৰিবলৈ ওলাইছে। বৰ্তমান এনে হ’ব কেৱল নিৰ্বাচিত টোল প্লাজাত। ইয়াৰ পূৰ্বে সংবাদ সংস্থা এএনআইৰ সৈতে কথা পাতি নিতিন গাডকাৰীয়ে কৈছিল- “এতিয়া আমি টোল বাতিল কৰিছো আৰু চেটেলাইট ভিত্তিক টোল সংগ্ৰহ ব্যৱস্থা থাকিব। আপোনাৰ বেংক একাউণ্টৰ পৰা ধন কৰ্তন কৰা হ’ব আৰু আপোনাৰ দূৰত্ব অনুসৰি মাচুল লোৱা হ’ব।”
উল্লেখ্য যে, নীতিন গাডকাৰীয়ে যোৱা বছৰেই এই নতুন ব্যৱস্থাৰ বিষয়ে তথ্য দিছিল। বিগত বৰ্ষত এই বিষয়ে সদৰি কৰি কৈছিল- ভাৰতীয় ৰাষ্ট্ৰীয় ঘাইপথ কৰ্তৃপক্ষই ২০২৪ চনৰ মাৰ্চ মাহৰ ভিতৰত এই নতুন ব্যৱস্থা কাৰ্যকৰী কৰাৰ লক্ষ্য লৈছে।
প্ৰক্ৰিয়াসমূহ সুশৃংখলিত কৰাৰ লগতে টোল প্লাজাসমূহত অপেক্ষাৰ সময় হ্ৰাস কৰাৰ প্ৰচেষ্টাৰ বিষয়ে বিশ্ব বেংকক অৱগত কৰা হৈছে। FASTag প্ৰৱৰ্তনৰ লগে লগে টোল প্লাজাত গড় অপেক্ষাৰ সময় যথেষ্ট হ্ৰাস পাইছে। কৰ্ণাটকৰ ২৭৫ নং ৰাষ্ট্ৰীয় ঘাইপথৰ বেংগালুৰু-মহসুৰ অংশ আৰু হাৰিয়ানাৰ ৭০৯ নং ৰাষ্ট্ৰীয় ঘাইপথৰ পানীপট-হিছাৰ অংশত এই নতুন ব্যৱস্থা ইতিমধ্যে আৰম্ভ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
