ভয়ংকৰ সামৰিক বিমান দুৰ্ঘটনাত মৃতকৰ সংখ্যা ৪৯ লৈ বৃদ্ধি, চাওঁক শিহৰণকাৰী ভিডিঅ’
উত্তৰ আফ্ৰিকাৰ দেশ চুডানৰ ৰাজধানী খাৰ্টুমৰ উপকণ্ঠ অঞ্চলত মঙলবাৰে সন্ধিয়া এখন সামৰিক বিমান দুৰ্ঘটনাগ্ৰস্ত হৈ বহু লোকে প্ৰাণ হেৰুৱায়। এই বিমান দুৰ্ঘটনাত বহু কেইগৰাকী সামৰিক বিষয়া আৰু সাধাৰণ নাগৰিকৰ মৃত্যু হোৱা বুলি জানিব পৰা গৈছে ।
প্ৰকাশিত তথ্য অনুসৰি বৰ্তমানলৈ এই দুৰ্ঘটনাৰ ফলত ৪৯ গৰাকী লোকে প্ৰাণ হেৰুৱাইছে। মঙলবাৰে সন্ধিয়া দেশখনৰ সামৰিক বাহিনীৰ ফালৰ পৰা প্ৰকাশিত এক বিবৃতিত জানিব পৰা যায় যে, এণ্টন’ভ বিমানখনে বিমানবন্দৰৰ পৰা উৰা মৰাৰ সময়তে দুৰ্ঘটনাত পতিত। যাৰ ফলতেই বিমানখত থকা সৈন্য আৰু সাধাৰণ নাগৰিকৰ মৃত্যু হয়। লগতে বহু লোক আহত হয়।
https://x.com/tyagivinit7/status/1894693765182328926
কাৰিকৰী বিজুতি বা আন কোনো কাৰণত নিয়ন্ত্ৰণ হেৰুৱাই ওমদুৰমান জিলাৰ কাৰৰী জিলাৰ আৱাসিক এলেকাত বিমানখন দুৰ্ঘটনাগ্ৰস্ত হয়। এই দুৰ্ঘটনাৰ বাবে বিমানখনত থকা মানুহখিনিয়েই নহয়, সেই স্থানত থকা বহু নাগৰিকৰো ক্ষতিসাধন হয়।
দুৰ্ঘটনা সংঘটিত হোৱাৰ পিছত লগে লগে স্থানীয় প্ৰশাসনে সাহায্য আৰু উদ্ধাৰ অভিযান আৰম্ভ কৰে। বিষয়াসকলে জনোৱা মতে, আহতসকলক ওচৰৰ চিকিৎসালয়ত ভৰ্তি কৰা হৈছে, য’ত বহুতৰে অৱস্থা সংকটজনক হৈ আছে।
যদিও দুৰ্ঘটনাটোৰ সঠিক কাৰণ এতিয়াও জানিব পৰা হোৱা নাই, তথাপিও সেনাই নিশ্চিত কৰিছে যে এই দুৰ্ঘটনাত সামৰিক আৰু সাধাৰণ নাগৰিক উভয়েই প্ৰাণ হেৰুৱাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ