আজি দুখন ৰাজ্যৰ মুখ্যমন্ত্ৰীয়ে ল’ব শপত গ্ৰহণ, এখন ৰাজ্যৰ উপ মুখ্যমন্ত্ৰী হ’ব এগৰাকী অতিকে জনপ্ৰিয় অভিনেতা
আজি অন্দ্ৰপ্ৰদেশ আৰপ ওড়িশাৰ মুখ্যমন্ত্ৰীয়ে নতুন কাৰ্যকালৰ বাবে শপত গ্ৰহণ কৰিব। ওড়িশাত ২৪ বছৰৰ মূৰকত নতুন মুখ্যমন্ত্ৰী পাব বিজেপিৰ মোহন চৰণ মাঝীৰ ৰূপত। আনহাতে অন্ধ্ৰপ্ৰদেশৰ মুখ্যমন্ত্ৰী হিচাপে চতুৰ্থবাৰৰ বাবে শপত গ্ৰহণ কৰিব তেলেগু দেশম পাৰ্টিৰ মুৰব্বী এন চন্দ্ৰবাবু নাইডুৱে।
ইয়াৰ লগতে অন্ধ্ৰপ্ৰদেশৰ উপ মুখ্যমন্ত্ৰী হিচাপে শপত ল’ব এগৰাকী ছুপাৰষ্টাৰে। দক্ষিণৰ অতিকে জনপ্ৰিয় অভিনেতাগৰাকীয়ে অভিনয় এৰি ৰাজনীতিৰ পথাৰত খোজ দিয়াৰ পাছত এতিয়া উপ-মুখ্যমন্ত্ৰী হিচাপে শপত গ্ৰহণ কৰিব।
দক্ষিণৰ ছুপাৰষ্টাৰ পৱন কল্যাণে উপ মুখ্যমন্ত্ৰী হোৱাটো নিশ্চিত। আজি একেলগে শপত পাঠ পঢ়িব পৱন কল্যানেও। এটা সময়ত ছবিজগতত দপদপাই থকা পৱন কল্যাণে এতিয়া ৰাজনীতিৰ পথাৰত দপদপনি চলাব।
বুধবাৰে আজি চতুৰ্থবাৰৰ বাবে অন্ধ্ৰপ্ৰদেশৰ মুখ্যমন্ত্ৰী হিচাপে শপত গ্ৰহণ কৰিব তেলেগু দেশম পাৰ্টিৰ মুৰব্বী এন চন্দ্ৰবাবু নাইডুৱে। শপত গ্ৰহণ অনুষ্ঠানত প্ৰধানমন্ত্ৰী নৰেন্দ্ৰ মোডী, কেন্দ্ৰীয় গৃহমন্ত্ৰী অমিত শ্বাহ আৰু কেন্দ্ৰীয় মন্ত্ৰী জে পি নাড্ডা আৰু বুণ্ডী সঞ্জয় কুমাৰৰ লগতে আন বহু নেতাই অংশগ্ৰহণ কৰাৰ সম্ভাৱনা আছে। এই অনুষ্ঠানত অংশগ্ৰহণৰ বাবে মঙলবাৰে সন্ধিয়া নিজেই হায়দৰাবাদত উপস্থিত হৈছে অমিত শ্বাহ আৰু জে পি নাড্ডাই।
চন্দ্ৰবাবু নাইডুৱে নিশা ১১.২৭ বজাত বিজয়াৱাড়াৰ উপকণ্ঠ অঞ্চলৰ কেছাৰপল্লীৰ গন্নাৱৰাম বিমানবন্দৰৰ বিপৰীতে মেধা আই টি পাৰ্কৰ সমীপত শপত গ্ৰহণ কৰিব।
আনহাতে আজিৰ একেটা দিনতে ওড়িশাৰ নৱ-নিৰ্বাচিত মুখ্যমন্ত্ৰী হিচাপে শপত পাঠ পঢ়িব মোহন চৰণ মাঝীয়ে। দিনৰ ২.৩০ বজাত আৰম্ভ হব এই শপত গ্ৰহণ অনুষ্ঠান। অনুষ্ঠানত উপস্থিত থাকিব প্ৰধানমন্ত্ৰী নৰেন্দ্ৰ মোদী।
নবীন পাটনায়কে ২৪ বছৰ ৯৮ দিন অবিৰতভাৱে ওড়িশাৰ মুখ্যমন্ত্ৰী হিচাপে কাৰ্যনিৰ্বাহ কৰিছিল। এতিয়া ওড়িশাবাসীয়ে ২৪ বছৰৰ মূৰকত পাব মোহন চৰণ মাঝীৰ ৰূপত নতুন মুখ্যমন্ত্ৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
