২০৩৬ ৰ অলিম্পিক ভাৰতভূমিত অনুষ্ঠিত হোৱাৰ সম্ভাৱনা, কোন কোন চহৰৰ নাম শীৰ্ষত
পেৰিছত অনুষ্ঠিত হৈছিল অলিম্পিক ২০২৪। ইয়াৰ পিছত পৰৱৰ্তী অলিম্পিক অৰ্থাৎ ২০২৮ আমেৰিকাৰ লছ এঞ্জেলছত অনুষ্ঠিত হ’ব। ইয়াৰ পিছতে ২০৩২ বৰ্ষৰ বাবেও দেশ আৰু চহৰখন কি কি হব সেই বিষয়েও সিদ্ধান্ত লোৱা হৈছে।
কিন্তু ২০৩৬ চনত অনুষ্ঠিত হ’বলগীয়া অলিম্পিক গেমছ ক’ত অনুষ্ঠিত হ’ব সেয়া এতিয়াও নিৰ্ণয় হোৱা নাই। এতিয়া সূত্ৰৰ পৰা পোৱা তথ্য অনুসৰি ভাৰতে ২০৩৬ চনত অনুষ্ঠিত হ’বলগীয়া অলিম্পিক আয়োজন কৰাৰ বাবে প্ৰস্তাৱ ৰাখিছে।
অৱশ্যে, ভাৰতত অনুষ্ঠিত হৈ থকা অলিম্পিক ২০৩৬ৰ খবৰ পোহৰলৈ অহাটো প্ৰথম নহয়। ইয়াৰ পূৰ্বেও এই সন্দৰ্ভত কিছু বাতৰি ওলাইছিল, য’ত কোৱা হৈছিল যে ২০৩৬ চনত অনুষ্ঠিত হ’বলগীয়া অলিম্পিকৰ বাবে ভাৰত আগবাঢ়ি আহিব পাৰে।
সংবাদ সংস্থা প্ৰকাশিত এক সূত্ৰৰ উদ্ধৃতিৰে প্ৰকাশ কৰা অনুসৰি ভাৰতে ২০৩৬ চনৰ অলিম্পিকৰ বাবে নিবিদা দাখিল কৰিছে। ভাৰতীয় অলিম্পিক সন্থাই ২০২৪ চনৰ ১ অক্টোবৰত আন্তঃৰাষ্ট্ৰীয় অলিম্পিক কমিটীক আনুষ্ঠানিকভাৱে উদ্দেশ্য পত্ৰ দাখিল কৰাৰ লগে লগে ভাৰতৰ অলিম্পিক আয়োজনৰ সম্ভাৱনা বৃদ্ধি পাইছে।
ভাৰতে যোৱা বছৰ অৰ্থাৎ ২০২৩ চনৰ অক্টোবৰ মাহত আন্তঃৰাষ্ট্ৰীয় অলিম্পিক সমিতিৰ ১৪১ সংখ্যক অধিবেশন আয়োজন কৰিছিল। এই অধিবেশন তিনিদিন ধৰি চলিছিল, যাৰ উদ্বোধনী অধিবেশনত প্ৰধানমন্ত্ৰী নৰেন্দ্ৰ মোদীয়ে ২০৩৬ চনৰ অলিম্পিক গেমছ আয়োজন কৰাৰ ইচ্ছা প্ৰকাশ কৰিছিল।
ইয়াৰ পিছত ১৫ আগষ্ট উপলক্ষে প্ৰধানমন্ত্ৰী মোদীয়ে পুনৰবাৰ লালকিল্লাৰ পৰা ২০৩৬ চনৰ অলিম্পিক আয়োজন কৰাৰ সংকল্প পুনৰবাৰ উল্লেখ কৰিছিল।
অৱশ্যে মন কৰিবলগীয়া যে যিকোনো দেশেই অলিম্পিক আয়োজনৰ সুযোগ পাবলৈ বহু অসুবিধাৰ সন্মুখীন হ’বলগীয়া হয়। অলিম্পিক আয়োজনৰ সুযোগ লাভ কৰিবলৈ হ’লে প্ৰথম পদক্ষেপ হ’ল আগ্ৰহ প্ৰকাশ কৰা। এই ইচ্ছা ভাৰতৰ ফালৰ পৰা প্ৰকাশ পাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
