আজিকালি লিভাৰ সম্পৰ্কিত সমস্যাসমূহ ক্ৰমশ সাধাৰণ হৈ উঠিছে৷ জীৱনযাত্ৰাৰ উন্নতিৰ ওপৰিও আপোনাৰ খাদ্যতালিকাত এনে কিছু খাদ্য অন্তৰ্ভুক্ত কৰা উচিত যিয়ে আপোনাৰ লিভাৰৰ স্বাস্থ্য বজায় ৰাখিব৷ বিশেষজ্ঞৰ মতে, এই খাদ্যসমূহে আপোনাৰ লিভাৰৰ স্বাস্থ্যৰ উন্নতি কৰিব পাৰে৷ কি কৈছে পুষ্টিবিদে?
আয়ুৰ্বেদত নেমু পিত্ত উৎপাদনক উদ্দীপিত কৰি আৰু বিষাক্ত পদাৰ্থ পৰিষ্কাৰ কৰে বুলি বিশ্বাস কৰা হয়৷ ইয়াত প্ৰচুৰ পৰিমাণে ভিটামিন চি থাকে৷ যিয়ে লিভাৰৰ কোষসমূহক ৰক্ষা কৰে৷ ইয়াৰোপৰি ই ৰোগ প্ৰতিৰোধ ক্ষমতাক শক্তিশালী কৰে৷ উপকাৰিতা পাবলৈ আপুনি আপোনাৰ দিনটো উষ্ণ নেমু পানীয়ে আৰম্ভ কৰিব পাৰে৷ আপুনি চালাদ বা জুছো যোগ কৰিব পাৰে৷
ডিটক্সিফিকেছন বৃদ্ধি কৰে, অক্সিডেটিভ ষ্ট্ৰেছ কমায় আৰু লিভাৰৰ কাৰ্যকাৰিতা উন্নত কৰি লিভাৰক ৰক্ষা কৰে৷ আপুনি পাতল গৰম পানী, উষ্ণ গাখীৰ, মৌ আৰু ছুপত আধা চামুছ হালধি আৰু এচিকুট জালুকৰ গুৰি মিহলাই খাব পাৰে৷ লিভাৰৰ স্বাস্থ্যৰ বাবে হালধি খুবেই উপকাৰী৷ ইয়াত কাৰকিউমিন আছে৷ যাৰ এণ্টিঅক্সিডেণ্ট বৈশিষ্ট্য আছে৷ ই পিত্তৰ প্ৰবাহ বৃদ্ধি কৰে আৰু লিভাৰৰ কোষসমূহক বিষাক্ত পদাৰ্থৰ ক্ষতিৰ পৰা ৰক্ষা কৰে৷
ধনিয়াপাতত এনে যৌগ থাকে যিয়ে বিষমুক্তকৰণত সহায় কৰে৷ ই হজমশক্তি উন্নত কৰে আৰু লিভাৰৰ কোষসমূহক ক্ষতিৰ হাতৰ পৰা ৰক্ষা কৰে৷ আপুনি ইয়াক চাহ হিচাপে খাব পাৰে অথৱা পাচলিত যোগ কৰিব পাৰে৷ আদাই হজমত সহায় কৰে৷ ই ৰক্ত সঞ্চালন উন্নত কৰে আৰু ফেটি লিভাৰ প্ৰতিৰোধ কৰে৷ আপুনি চাহত আদা ব্যৱহাৰ কৰিব পাৰে৷ আপুনি ইয়াক টুকুৰা টুকুৰ কৰি নেমুৰ সৈতে মিহলাই খাদ্যৰ সৈতে খাব পাৰে৷
নহৰুৰ গুণে লিভাৰৰ এনজাইমসমূহক সক্ৰিয় কৰে৷ ইয়াত এলিছিন আৰু ছেলেনিয়ামৰ দৰে যৌগ আছে, যিয়ে লিভাৰক পৰিষ্কাৰ কৰে আৰু অক্সিডেটিভ ষ্ট্ৰেছৰ পৰা ৰক্ষা কৰে৷ নহৰু সেৱন নন-এলকহলিক ফেটি লিভাৰ ডিজিজৰ আশংকা কমাব পাৰে৷
গ্ৰিন টি পান কৰা লিভাৰৰ বাবে উপকাৰী৷ ই লিভাৰৰ কাৰ্যকাৰিতা উন্নত কৰে৷ গ্ৰিন টিয়ে নন-এলকহলিক ফেটি লিভাৰ ৰোগ নিয়ন্ত্ৰণতো সহায় কৰে৷ আপুনি গ্ৰীণ টি পুৱা খাদ্য খোৱাৰ ১ ঘণ্টা আগত খাব পাৰে৷ গাজৰ, আমলখি আৰু বিটো লিভাৰৰ স্বাস্থ্যৰ বাবে উপকাৰী বুলি ধাৰণা কৰা হয়৷ আপুনি এই তিনিবিধৰ ৰস ওলিয়াই খাব পাৰে৷ বিট আৰু গাজৰ চালাড হিচাপেও খাব পাৰে৷ আমলখিও আপুনি তেনেকৈ খাব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
