এগৰাকী সমকামী পুৰুষে পত্নীৰ আগত নিজৰ সমকামী যৌনতাক লুকুৱাই ৰাখি কিছুদিন ধৰি ফাঁকি দি আহিছিল৷ অৱশেষত পত্নীয়ে স্বামীৰ সমকামী যৌনতাৰ বিষয়ে জানিব পাৰি আইনৰ আশ্ৰয় লয়৷
ঘটনাটো মহাৰাষ্ট্ৰৰ৷ ঘটনাৰ বিৱবৰণীৰ মতে মহাৰাষ্ট্ৰৰ থানেৰ ৩২ বছৰীয়া এজন লোকে ২০২১ চনৰ নৱেম্বৰত তেওঁতকৈ তিনি বছৰ সৰু এগৰাকী যুৱতীক বিবাহ কৰায়৷ স্বামীয়ে পত্নীক বিবাহৰ পূৰ্বে প্ৰতিবছৰে ১৪ লাখ টকাৰ দৰমহাৰ চেলাৰীৰ শ্লীপ দেখওৱাই বিয়া কৰোৱা বুলিও পত্নীয়ে অভিযোগ কৰিছে৷
বিবাহিত জীৱনৰ আৰম্ভণিৰ দিনবোৰ কিছু ভালদৰেই গৈছিল যদিও স্বামীৰ কিছুমান আচৰণত পত্নীৰ মনত সন্দেহৰ বীজ অংকুৰণ হয়৷
লগতে পঢ়ক অৱশেষত স্বীকাৰ ৰাছিয়াৰ : ইউক্ৰেইনত মৃত্যু হৈছে প্ৰায় ২০ হাজাৰ সেনাৰ!
বিয়াৰ দুটা মাহৰ ভিতৰতে দুয়ো স্বামী-স্ত্ৰীয়ে হনিমুনলৈ যায়৷ তেনে সময়তে স্বামীৰ মোবাইলৰ হোৱাটছএপ মেচেজবোৰ প্ৰত্যক্ষ কৰি পত্নীৰ মনৰ সন্দেহ কিছু গাঢ় হয়৷ মূলত মেচেজবোৰ আছিল অপ্ৰাকৃতিক যৌনতাৰ৷ হোৱাটছএপৰ মেচেছবোৰ প্ৰত্যক্ষ কৰি পত্নীয়ে স্বামীৰ বিৰুদ্ধে সন্দেহ হোৱাত আইনী পদক্ষেপ গ্ৰহণ কৰে৷
ইয়াৰ ভিত্তিতে স্বামীৰ মোবাইলটো ফৰেনছিক পৰীক্ষাৰ বাবে প্ৰেৰণ কৰা হয়৷ ফৰেনছিক পৰীক্ষাত স্বামীগৰাকীৰ উক্ত সমগ্ৰ মেচেজসমূহ সমকামী যৌনতাৰ সম্পৰ্কীয় মেচেজ বুলি নিশ্চিত হয়৷ লগতে, এইটো প্ৰমাণ হয় যে স্বামীগৰাকীৰ বহু সমকামী পুৰুষৰ সৈতে যৌন সম্পৰ্ক আছে৷
স্বামী গৰাকীয়ে অনলাইন ডেটিং এপচৰ জৰিয়তেও বিভিন্ন সমকামী পুৰুষৰ সৈতে সম্পৰ্কলৈ অহাৰ প্ৰমাণ পোৱা যায়৷ এই সমগ্ৰ কথাবোৰ পোহৰলৈ অহাৰ পিছতে পত্নীয়ে এই বিষয়ে স্বামী প্ৰশ্ন কৰোতে স্বামীয়ে পত্নীক ছুৰীৰে আঘাত কৰে৷
লগতে পঢ়ক যাত্ৰীবাহী ৰে’লত ঘোঁৰা উঠাই গ্ৰেপ্তাৰ হ’ল এজন লোক, ক’ত?
ইয়াৰ পিছতে পত্নীয়ে স্বামীৰ বিৰুদ্ধে বিবাহ পূৰ্ব আৰু বিবাহিত জীৱনত প্ৰতাৰণা কৰাৰ অভিযোগ আনি গোচৰ ৰুজু কৰে৷ স্বামীয়ে এই গোচৰটোৰ গ্ৰেপ্তাৰৰ পৰা বাচিবলৈ অগ্ৰিম জামিন বিচাৰি আদালতত আবেদন দাখিল কৰে৷
কিন্তু যোৱা বুধবাৰে আদালতে এই গোচৰৰ শুনানি গ্ৰহণ কৰি স্বামীগৰাকীৰ জামিন আবেদন খাৰিজ কৰে৷ আৰু লোকজনৰ জে’ল গমন অৱধাৰিত হৈ পৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
