দেশখনৰ মাতৃসকলে নিজ নিজ কন্যাৰ বাবে গৰ্ভ নিৰোধক টবলেট ক্ৰয় কৰাৰ ধুম উঠিছে৷ গৰ্ভ নিৰোধক টেবলেটৰ চাহিদা হঠাতে চাৰি গুণলৈ বৃদ্ধি পাইছে আমেৰিকা যুক্তৰাষ্ট্ৰত৷
কিয় হঠাতে দেশখনত হঠাতে গৰ্ভ নিৰোধক বড়িৰ চাহিদা বৃদ্ধি পাবলৈ ধৰিলে? স্মৰ্তব্য যে কিছুদিন পূৰ্বে উচ্চতম ন্যায়ালয়ে মাৰ্কিন যুক্তৰাষ্ট্ৰত গৰ্ভপাত অবৈধ ঘোষণা কৰিছিল৷ এই ঘোষণাৰ লগে লগে দেশখনৰ মহিলাসকল জাঙুৰ খাই উঠি এই ৰায়ৰ বিৰুদ্ধে তীব্ৰ প্ৰতিবাদ সাৱ্যস্ত কৰিছিল৷ কিন্তু মাৰ্কিন যুক্তৰাষ্ট্ৰৰ নাগৰিকৰ তুমুল বিৰোধিতাৰ পিছতো উচ্চতম ন্যায়ালয়ে এই নিৰ্দেশ বাহাল ৰাখিছে৷
ইয়াৰ পিছতে আমেৰিকাত হঠাতে গৰ্ভ নিৰোধক বড়িৰ চাহিদা কেবাগুণো বৃদ্ধি পোৱা পৰিলক্ষিত হৈছে৷
লগতে পঢ়ক কাৰাৰুদ্ধ বৰ্ষাশ্ৰীৰ সম্পৰ্কে কি ক’লে মুখ্যমন্ত্ৰী হিমন্ত বিশ্ব শৰ্মাই?
উল্লেখ্য যে গৰ্ভপাত নিষিদ্ধ কৰাৰ পিছতে দেশখনৰ যুৱতীসকলে এতিয়াৰে পৰা গৰ্ভপাত সলনি গৰ্ভনিৰোধক ঔষধ সেৱন কৰিবলৈ ধৰিছে৷ এই ক্ষেত্ৰত যুৱতীসকলক মাতৃসকলেও সহযোগ কৰিছে৷ মাৰ্কিন সংবাদ পত্ৰ নিউয়ৰ্ক টাইমছৰ প্ৰতিবেদনৰ মতে দেশখনত গৰ্ভনিৰোধক ঔষধৰ চাহিদা ৪ গুণলৈ বৃদ্ধি পাইছে৷
প্ৰকাশিত খবৰ মতে যুৱতীসকলৰ মাতৃসকলে ক্লিনিক তথা ঔষধ দোকানবোৰত গৰ্ভনিৰোধক ঔষধ বিচাৰি ভিৰ কৰা পৰিলক্ষিত হৈছে৷ প্ৰতিবেদনৰ মতে একাংশ মহিলাই গৰ্ভনিৰোধক ঔষধ ষ্টক কৰিবলৈও ধৰিছে৷ ক্লিনিকবোৰত গৰ্ভনিৰোধক ঔষধ ক্ৰয় কৰিবলৈ মহিলাসকলে এপইণ্টমেণ্ট ল’বলগীয়াৰ পৰিস্থিতৰো সৃষ্টি হৈছে৷
ইফালে উচ্চতম ন্যায়ালয়ৰ উক্ত ৰায়ৰ পিছতে ক্লিনিকবোৰে গৰ্ভনিৰোধক বড়িৰ দাবীৰে জাষ্ট দ্য পিল বুলিও এক ট্ৰেণ্ড আৰম্ভ কৰে৷
লগতে পঢ়ক সাৱধান হওক! ফ্ৰীজত থোৱা মাংস-মাছত জীয়াই থাকে কোভিড১৯ ভাইৰাছ!
কেটি থমাছ নামৰ এগৰাকী মহিলাই কয় যে দেশত গৰ্ভপাত অবৈধ হ’ব বুলি জানিব পাৰি তেওঁৰ ৪৬ বছৰীয়া কন্যাৰ বাবে গৰ্ভনিৰোধক পিল ক্ৰয় কৰিছিল ৷ কেটিয়ে নিউয়ৰ্ক টাইমছক কয়, মই মোৰ ছোৱালীজনীৰ অবাঞ্চিত গৰ্ভধাৰণৰ ভয়ত এই গৰ্ভনিৰোধক বড়িবোৰ কিনিছিলো। মই যিকোনো পৰিস্থিতিতে সাজু হৈ থাকিব বিচাৰো৷ কেটিয়ে লগতে কয় যে তেওঁৰ ২৪ বছৰীয়া পুত্ৰ আৰু তেওঁৰ প্ৰেমিকাক এনে বড়িৰ যোগান ধৰিছিল৷
ইফালে গৰ্ভপাত আৰু অন্যান্য স্বাস্থ্যসেৱা প্ৰদানকাৰীয়ে মহিলাসকলক এনেদৰে জন্ম নিয়ন্ত্ৰণৰ বড়ি ব্যৱহাৰ নকৰিবলৈ সকীয়াই দিছে।
আটলাণ্টাৰ প্লেবড পেৰেণ্টহুড চাউথইষ্টৰ মুখপাত্ৰ লৰেন ফ্ৰেজিয়াৰে কয় যে মহিলাসকলে এনেদৰে গৰ্ভনিৰোধক বড়ি সংগ্ৰহ কৰি ৰখাটো উচিত হোৱা নাই৷ তেওঁৰ মতে প্ৰয়োজনৰ সময়ত আৰ্তসকলৰ ই বজাৰত উপলব্ধ হ’ব লাগে৷ উচ্চতম ন্যায়ালয়ৰ ৰায়ৰ পিছতে আমেৰিকাত গৰ্ভ নিৰোধক ঔষধৰ চাহিদা বৃদ্ধিয়ে প্ৰমাণ কৰিছে যে দেশখন মহিলাসকল গৰ্ভধাৰণ কৰাৰ শংকাত অত্যধিক চিন্তান্বিত হৈ পৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
