অক্সিজেনৰ অভাৱত ভুগিব পৃথিৱী, নেপথ্যত কি কি কাৰণ?

বেছি সূৰ্যালোকে শিলাৰ ৰাসায়নিক ক্ষয়ক ত্বৰান্বিত কৰে যাৰ ফলত বায়ুমণ্ডলৰ পৰা কাৰ্বন ডাই অক্সাইড কমিবলৈ ধৰে৷ কাৰ্বন ডাই অক্সাইড কমি গলে উদ্ভিদৰ পক্ষে কাৰ্যকৰভাৱে সালোকসংশ্লেষণ চলোৱা কঠিন হৈ পৰে৷ ইয়াৰ ফলত ধীৰে ধীৰে বিশ্বত অক্সিজেন উৎপাদন কমিবলৈ আৰম্ভ কৰিছে৷

প্ৰথমে এই পতন খুবেই ধীৰগতিত হৈছে৷ কিন্তু এসময়ত চিষ্টেমে সংকটসীমা অতিক্ৰম কৰিব৷ তেতিয়াই খুব দ্ৰুতভাৱে পৃথিৱীত অক্সিজেনৰ অভাৱ হ’ব৷ তাতেই অক্সিজেন নিৰ্ভৰ উদ্ভিদ আৰু প্ৰাণীৰ পক্ষে টিকি থকা অসম্ভৱ হৈ পৰিব৷ শুনিবলৈ নাটকীয় যেন লাগিলেও এই সম্পূৰ্ণ ঘটনাপ্ৰবাহ ঘটিব এনে এক সময়সীমাত যিয়ে মানৱ ইতিহাসৰ তুলনাত অতিকায়৷ আধুনিক মানুহ পৃথিৱীত আছে প্ৰায় তিনি লাখ বছৰ৷ কৃষি আৰম্ভ হৈছে মাত্ৰ ১০ হাজাৰ বছৰ পূৰ্বে৷ এক বিলিয়ন বছৰৰ কাউণ্টডাউনৰ ওপৰত আমাৰ সম্পূৰ্ণ সভ্যতা সময়ৰেখাৰ ক্ষুদ্ৰতম এক অংশহে মাত্ৰ৷

এই গৱেষণাই আমাক এই কথা কোৱা নাই যে আমাৰ আগন্তুক প্ৰজন্মই শ্বাস ল’ব নোৱাৰিব৷ বৰং এই গৱেষণাই ধাৰণা দিছে যে এক বসবাসযোগ্য গ্ৰহও সময়ৰ সৈতে সলনি হয়৷ ই জীৱনৰ বাবে অনুকূল পৰিবেশ চিৰকাল স্থায়ী নহয়৷