অলিম্পিকত ৩১ টা স্বৰ্ণ জয় কৰি অনন্য ৰেকৰ্ড, যি আজি পৰ্যন্ত অক্ষত
২৮ আগষ্টৰ পৰা ৮ ছেপ্টেম্বৰলৈ ফ্ৰান্সৰ ৰাজধানী পেৰিছত অনুষ্ঠিত হৈছে ১৭ সংখ্যক পেৰালিম্পিক। পেৰা এথলীটৰ বাবে সোণৰ পদক বহু মূল্যৱান। বহু ইভেণ্ট আৰু পেৰালিম্পিকৰ বহু ভিন্ন সংস্কৰণত বহু পদক লাভ কৰি নিজৰ নামত অভিলেখ গঢ়িবলৈ সক্ষম হৈছে পেৰা এথলীট।
এনে বহু অভিলেখৰ মাজত এটা এনে ৰেকৰ্ড আছে, যি সহজে ভংগ কৰাটো প্ৰায় অসম্ভৱ। পেৰালিম্পিক ইতিহাসত এগৰাকী পেৰা এথলীটৰ নামত আছে সৰ্বাধিক ৩২টা সোণৰ পদক লাভ কৰাৰ অভিলেখ। বহু বছৰ ধৰি পেৰালিম্পিকত নিজৰ ঐতিহাসিক প্ৰদৰ্শনেৰে দেশৰ পতাকা উজলাই তুলিছে বহু খেলুৱৈয়ে।
পেৰালিম্পিকৰ ইতিহাসৰ আটাইতকৈ সফল খেলুৱৈগৰাকী হৈছে আমেৰিকাৰ মহিলা সাঁতোৰবিদ ট্ৰিছা জোৰ্ন-হাডছন (Trischa Zorn-Hudson)। আমেৰিকাৰ পেৰা সাঁতোৰবিদ তৃষাই পেৰালিম্পিকৰ ইতিহাসত মুঠ ৪৬টা পদক লাভ কৰিবলৈ সক্ষম হৈছে। ইয়াৰ ভিতৰত আছে ৩২টা স্বৰ্ণ, ৯টা ৰূপ আৰু ৫টা ব্ৰঞ্জৰ পদক।
জন্মতে জোৰ্ণ-হাডছনৰ চকুৰ জেনেটিক ডিছঅৰ্ডাৰ আছিল যাৰ ফলত তেওঁ অন্ধ হৈ পৰিছিল। সেই শাৰীৰিক বসংগতিক আওকান কৰি প্ৰথমবাৰৰ বাবে ১৯৮০ চনৰ পেৰালিম্পিকত অংশগ্ৰহণ কৰিছিল। তেতিয়া তেওঁৰ বয়স আছিল মাথো ১৬ বছৰ। তৃষাই প্ৰথম অলিম্পিকত ৭টা স্বৰ্ণ পদক লাভ কৰিছিল।
২০১২ চনত আন্তঃৰাষ্ট্ৰীয় পেৰালিম্পিক হোল অৱ ফেমত স্থান লাভ কৰাৰ বিপৰীতে ২০২২ চনত আমেৰিকাৰ অলিম্পিক আৰু পেৰালিম্পিক হোল অৱ ফেমত স্থান লাভ কৰাত সফল হৈছিল ত্ৰিশাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
