ক্লান্তি একোতেই দূৰ নাই হোৱা৷ পুৱা চকু মেলিলেই আকৌ ক্লান্ত লাগে? নিশা টোপনি ভাল হোৱাৰ পাছত আকৌ পুৱা উঠোতেই ক্লান্ত অনুভৱ কৰিছে? কাৰ্যালয়ৰ কাম দেখিলেই চকু জাপ খাই আহে? কাম আৰম্ভ হ’লেই সকলো একঘেয়ামি যেন লাগে? এই ভাৱ কেনেকৈ দূৰ কৰিব? অৱসাদ, বিষন্নতা, দূৰ কৰি শৰীৰত অফুৰন্ত শক্তিৰে টগবগাই থাকিবলৈ আপুনি এই বিশেষ উপায় অৱলম্বন কৰিব পাৰে৷
প্ৰথমতেই কামৰ গুৰুত্ব বুজিব লাগিব৷ কোনো কাম কৰাটো কিমান জৰুৰী, কোনটোৰ পাছত কি চলিব সেই পৰিকল্পনা পূৰ্বেই কৰাটো জৰুৰী৷ অদৰকাৰী কামত শৰীৰৰ শক্তি ব্যয় আৰু সময় নষ্ট নকৰি, দৰকাৰী কাম কি সেয়া নিৰ্বাচন কৰি আগতে সেই কাম কৰি পেলালেই আপোনাৰ মনটো বহুপৰিমানে নিশ্চিন্ত থাকিব৷ উদ্বেগ কম হ’লে ক্লান্তিও কমিব৷
নিয়ম কিছু নিজেই নিজৰ জীৱনত তৈয়াৰ কৰি ল’ব৷ মনোবিদে কয়, শাৰীৰিক ক্লান্তিতকৈ মনৰ ক্লান্তিয়েহে মানুহক জুৰুলা কৰে৷ কৰ্মক্ষেত্ৰত লক্ষ্যপূৰণৰ চাপ, কামক লৈ অপ্ৰাপ্তি, কামৰ পাছতেই পৰিয়ালৰ দায়-দায়িত্ব, ব্যক্তিজীৱন আৰু কৰ্মজীৱনৰ ভাৰসাম্য ৰক্ষা কৰিবলৈ গৈ দুশ্চিন্তাৰ পাহাৰখন ওখ হৈ যায়৷ তেতিয়াই কোনো কামত একঘেয়ামীকৈ লাগক৷ সেয়ে সময় অনুসৰি কাম ভাগ কৰি ল’লে কামৰ ৰুটিন নিয়ম বান্ধি ল’লে মন বহু পৰিমানে ভালে থাকিব৷
মানসিক চিন্তাভাৱনা বাঢ়ি গ’লে অৰ্থাৎ মানসিক চাপ বাঢ়িলে মূৰৰ বিষ, ভোক কমি যোৱা, টোপনিৰ সমস্যা, ওজন হঠাৎ কমা বা বাঢ়ি যোৱা, ঘনে ঘনে অসুস্থ বোধ কৰাৰ দৰে লক্ষণো দেখা দিয়ে, যিয়ে ক্লান্তিভাৱ কেইবাগুণো বঢ়াই দিয়ে৷ সেয়ে নিয়ং মানি শৰীৰচৰ্চা, মেডিটেছন বা ধ্যান কৰাটো জৰুৰী৷ ইয়াৰ সৈতে সুষম আহাৰো জৰুৰী৷ বাহিৰৰ খাদ্য যিমান পাৰে কমাই খাওক৷
কোনো কামত অতিৰিক্ত চাপ হৈছে, সেয়া বুজি চাপ কমাবলৈ চেষ্টা কৰক৷ প্ৰয়োজনত কোন সময়ত কেনেকৈ কাম কৰিলে সুবিধা হয়, সেয়া ভাৱিচিন্তি আগবাঢ়ক৷ চেষ্টা কৰিব যাতে কামৰ মাজে মাজে বিশ্ৰামো অলপ হয়৷
নিয়ম মানি টোপনি যোৱাটো খুবেই জৰুৰী৷ ৮-৯ ঘণ্টা শোৱক৷ টোপনিৰ সময়ত মোবাইল, লেপটপ বা অইন বৈদ্যুতিন সা সামগ্ৰী দূৰৈত ৰাখক৷ এইবোৰ ডিভাইছ চকুৰ ওচৰত থাকিলে ক্লান্তি বঢ়ায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
