অসম লাইভ২৪ঃ দীৰ্ঘদিন ধৰি তেওঁ গুজৰাটৰ মুখ্যমন্ত্ৰী আছিল। বিগত ১০ বছৰ ধৰি তেওঁ দেশৰ প্রধানমন্ত্ৰী। দেশৰ প্ৰধানমন্ত্ৰী হোৱা হেতুকে দেশৰ জনতাই জানিব বিচাৰিছে নতুন বছৰত তেওঁৰ ৰেজলিউশ্ব্যন কি? প্ৰশ্নৰ উত্তৰ নিজেই দিছে নমোয়ে।
নতুন বছৰত কি কি কৰাৰ ইচ্ছা আছে প্রধানমন্ত্ৰী মোদীৰ?
প্রধানমন্ত্ৰী মোদীয়ে জনোৱা অনুসৰি নতুন বছৰত তেওঁৰ কোনো ব্যক্তিগত ইচ্ছা নাই। নৰেন্দ্ৰ মোদীয়ে জনোৱা অনুসৰি আগন্তুক বছৰত কি কি কাম কৰিব তাৰেই এখন তালিকা তৈয়াৰ কৰিছে তেওঁ। এই তালিকা অৱশ্য তেওঁৰ ব্যক্তিগত নহয়। এই তালিকা দেশৰ বাবে। কাৰণ তেওঁৰ বাবে এতিয়া ব্যক্তিগত কথাবোৰতকৈ দেশ আগত।
প্রধানমন্ত্ৰীয়ে এই সন্দৰ্ভত কয়, ‘মই সেই ব্যক্তি যিয়ে নিজৰ উইছ লিষ্ট তৈয়াৰ কৰাত বিশ্বাস নকৰো। মই কামৰ তালিকা তৈয়াৰতহে বিশ্বাসী।’ প্রধানমন্ত্ৰীয়ে লগতে কয়, ‘দলৰ এজন কৰ্মী, এজন মুখ্যমন্ত্ৰী, এজন প্রধানমন্ত্ৰী হিচাপে কাম কৰাৰ বাবে মই দেশত পৰিচিত। সেয়ে মই সকলোসময়তে দেশৰ স্বাৰ্থৰ কথাহে চিন্তা কৰো। বহুতেই মোক সোধে, মই কেনেকৈ ইমান কঠোৰ সিদ্ধান্ত লৈছো। নিজা সকলো ত্যাগ কৰাটো কঠিন সিদ্ধান্তই। তেতিয়া মোৰ উত্তৰ এটাই, মই দেশৰ বাবে সকলো কৰিব পাৰো।’
https://x.com/narendramodi/status/1741637057951498388?s=20
নমোৰ নতুৰ বছৰৰ ৰেজলিউশ্ব্যন কি?
প্ৰধানমন্ত্ৰীয়ে নতুন বছৰৰ পৰিকল্পনা সন্দৰ্ভত কয় যে, বিশেষজ্ঞসকলৰ মত অবিহনে তেওঁ দেশৰ বাস্তৱ চৰিত্ৰ আৰু মাটিৰ সৈতে সংপৃক্ত হৈ থকাসকলৰ কথা শুনিহে একোটা ষ্ট্ৰেটেজি তৈয়াৰ কৰে। তেওঁ কয়, ‘মই যিকোনো সিদ্ধান্ত মোৰ ভাললগাৰ বাবে নলও। মই এনে সিদ্ধান্ত লও যিয়ে দেশৰ উন্নতিত সহায় কৰে।’ মোদীয়ে লগতে কয়, তেওঁৰ শৈশৱো দাৰিদ্ৰতাৰ মাজতেই পাৰ হৈছে। দাৰিদ্ৰতাৰ সংজ্ঞা তেওঁ ভালধৰণেই জানে। সেয়ে দেশৰ দৰিদ্ৰ লোকসকলৰ জীৱনযাত্ৰা উন্নত হোৱাৰ বাবে তেওঁ নতুন বছৰতো কাম কৰিব খোজে। এই সন্দৰ্ভত নমোৱে কয়, ‘আমাৰ দেশত এতিয়া দ্ৰুত উন্নয়ন হৈছে। মই বিশ্বাস কৰো যে দেশৰ যি উন্নতি হৈছে সেয়া সম্ভৱ হৈছে কেৱল জন আন্দোলনৰ বাবেই।’
উভতি চোৱা যাওক ২০২৩
প্রধানমন্ত্ৰীয়ে এই সন্দৰ্ভত কয়, ‘কোনো এটা বছৰৰ কামৰ পৰ্যালোচনাৰ কৰি সামগ্ৰিক আৰু সঠিক ছবি পোৱা সম্ভৱ নহয়। মই যেতিয়া কোনো কাম আৰম্ভ কৰো তেতিয়াই জানো শেষ কেনেকৈ হ’ব। সেয়ে মই কাম শেষ নোহোৱা পৰ্যন্ত এই কামৰ ব্লু প্ৰিণ্ট ঘোষণা নকৰো।’ ২৩ বৰ্ষত প্ৰধানমন্ত্ৰীয়ে কৰা কামৰ ভিতৰত অন্য এক প্ৰধান কাম হৈছে প্ৰতিবেশী দেশসমূহৰ সৈতে গঠনমূলক আৰু সহযোগিতাপূৰ্ণ কাম আগবঢ়াই নিয়া। দৰকাৰত যদি তেওঁ কঠোৰ হৈছে আকৌ দৰকাৰত তেওঁ বন্ধুত্বও গঢ়িছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
