বাংগালুৰু বিমানবন্দৰৰ সমীপৰ এটা চৌহদত আৰক্ষীয়ে অভিযান চলাই দেহ ব্যৱসায়ত থকা এটা ঘৰৰ গৰাকীকে ধৰি ৯ জন লোকক গ্ৰেপ্তাৰ কৰিছে৷
গৃহটোত বিদেশী মহিলাই অসংযত অৱস্থাত নৃত্য কৰি থকাৰ তথ্য লাভ কৰাৰ পাছতে আৰক্ষীৰ এটা দলে সেই স্থানত অভিযান চলায়।
যোৱা ৬ ছেপ্টেম্বৰত সংঘটিত হোৱা ঘটনাটো আৰক্ষীয়ে ভিলাটোত উদ্ধাৰ কৰা মহিলাসকলকো সোধা-পোছাৰ বাবে জিম্মাত লয়।
লগতে পঢ়ক পৰীক্ষাত ফেইল পতঞ্জলি ঘিউ! ইয়াৰ পাছত কি ক’লে বাবা ৰামদেৱে? জানিবলৈ চাওক…
ধৃত অভিযুক্তসকলৰ ভিতৰত কল্পেশ নামৰ এজন লোক আছে৷ লিংকডিন প্ৰফাইল অনুসৰি কলপেশ কুশল জুৱেলাৰীৰ স্বত্বাধিকাৰী।
আৰক্ষীয়ে মুঠ ৯ জন লোকৰ বিৰুদ্ধে গোচৰ ৰুজু কৰিছে। ১৯৫৬ চনৰ ইম্মৰেল ট্ৰেফিক (প্ৰিভেনচন) আইনৰ ৩, ৪, ৫ ধাৰা আৰু ভাৰতীয় দণ্ডবিধিৰ ৩৭০ (ক) (২) ধাৰাত গোচৰ ৰুজু কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
