৯৪ সংখ্যক অকাডেমি বঁটা প্ৰদান অনুষ্ঠানত হ’ষ্ট তথা ষ্টেণ্ড আপ কমেডিয়ান ক্ৰিছ ৰ’কক প্ৰচণ্ড চৰ সোধাই বিশ্বজুৰি বিতৰ্কৰ সূত্ৰপাত ঘটাইছিল হলিউদৰ অভিনেতা ইউল স্মিথে৷
অভিনেত্ৰী পত্নী জাডা পিঙ্কেটৰ বেমাৰক লৈ তাচ্ছিল্যসূচক মন্তব্য কৰাৰ অভিযোগ তুলি অভিনেতা স্মিথে বহি থকা আসনৰ পৰা মঞ্চলৈ উঠি গৈ ক্ৰিছৰ গালত প্ৰচণ্ড চৰ সোধাইছিল৷
এই অনাকাংক্ষিত ঘটনাটোৰ বাবে পিছত নিজৰ ইনষ্টাগ্ৰামত ৰাজহুৱা ক্ষমাও খুজিলে এইবাৰ অকাডেমিৰ শ্ৰেষ্ঠ অভিনেতাৰ সন্মান লাভ কৰা উইল স্মিথে৷ স্মিথে তেওঁৰ ব্যৱহাৰ অগ্ৰহণীয় আছিল বুলি অভিহিত কৰিছে৷
লগতে পঢ়ক গাদী ৰক্ষা কৰিবলৈ ইমৰাণ খানৰ অন্তিমটো প্ৰচেষ্টা! বিৰোধীক কি প্ৰস্তাৱ দিছে ইমৰাণে?
‘‘ক্ৰিছ, মই আপোনাৰ ওচৰত ৰাজহুৱাভাৱে ক্ষমা বিচাৰিছো। মই সীমা অতিক্ৰম কৰি ভুল কৰিছিলো। ইয়াৰ বাবে মই অতিকৈ লজ্জিত আৰু মই যি কৰিলো ই মই হ’ব বিচৰা মানুহজনৰ পৰিচায়ক নাছিল।’’ স্মিথে ৰাজহুৱা ক্ষমা বিচাৰি এইদৰে কয়৷
এই ঘটনাৰ পিছতে সমগ্ৰ বিষয়টো অতি গুৰুত্বসহকাৰে গ্ৰহণ কৰিছে অকাডেমিয়ে৷ অকাডেমি অৱ মোশ্যন পিকচাৰ আৰ্টছ এণ্ড ছাইন্সছ-এ স্মিথৰ বিৰুদ্ধে বিশেষ অনুশাসনমূলক ব্যৱস্থা লোৱা হ’ব বুলিও ঘোষণা কৰিছে৷
‘‘স্মিথে শাৰীৰিক আক্ৰমণ আৰু ভাবুকি প্ৰদানেৰে অকাডেমিৰ মৰ্যাদা ভংগ কৰিছে আৰু তেওঁৰ বিৰুদ্ধে ব’ৰ্ড অৱ গভৰ্ণছে ব্যৱস্থা গ্ৰহণ কৰিব৷’’ অকাডেমিয়ে এক আনুষ্ঠানিক বিবৃতিত এইদৰে কয়৷
লগতে পঢ়ক অসমসহ নাগালেণ্ড, মণিপুৰৰ পৰা AFPSA প্ৰত্যাহাৰ আৰম্ভ কেন্দ্ৰৰ
‘‘একাডেমীয়ে যিকোনো অনুশাসনমূলক ব্যৱস্থা ল’ব পাৰে৷ তাৰ ভিতৰত নিলম্বন, বহিষ্কাৰ, বা অন্যান্য নিষেধাজ্ঞা আদিও থাকিব পাৰে।’’ অকাডেমিয়ে লগতে আৰু কয়৷
ইফালে বৃহস্পতিবাৰে ৯৪ সংখ্যক অকাডেমিৰ ২২ মাৰ্চৰ অনুষ্ঠানৰ প্ৰযোজক উইল পাকাৰে কয় যে ক্ৰিছক শাৰীৰিকভাৱে আক্ৰমণ কৰা উইল স্মিথক গ্ৰেপ্তাৰ কৰিবলৈ আৰক্ষী সাজু হৈ আছে৷
পাকাৰৰ মতে ল’ছ এঞ্জেলছ আৰক্ষীয়ে ঘটনাৰ সন্দৰ্ভত অকাডেমিৰ সৈতে যোগাযোগ কৰিছে আৰু তেওঁলোকে স্মিথক গ্ৰেপ্তাৰ কৰিবলৈ সাজু হৈ আছে৷
অৱশ্যে ভুক্তভোগী ক্ৰিছে ৰ’কে উইল স্মিথৰ বিৰুদ্ধে আৰক্ষীৰ ওচৰত কোনো অভিযোগ দাখিল কৰা নাই আৰু তেওঁ অভিযোগ দাখিল নকৰে বুলিও ঘোষণা কৰিছে৷
লগতে পঢ়ক জঘন্য! ৰক্ষা নপৰিল গৰ্ভৱতী ছাগলীও, ধৰ্ষণ কৰি হত্যা তিনি লোকৰ, এজনক গ্ৰেপ্তাৰ
ইফালে অকাডেমিয়েও উইল স্মিথৰ বিৰুদ্ধে আইনী ব্যৱস্থা লোৱা নহয় বুলি স্পষ্টকৈ ঘোষণা কৰিছে৷ আৰক্ষীয়ে স্মিথক গ্ৰেপ্তাৰৰ বাবে অকাডেমিৰ সৈতে যোগাযোগ কৰোতে অকাডেমিয়ে স্মিথৰ বিৰুদ্ধে কোনো আইনী পদক্ষেপ গ্ৰহণ নকৰে বুলি দৃঢ়তাৰে প্ৰকাশ কৰে বুলিও প্ৰকাশ কৰিছে৷
উল্লেখ্য যে ক্ৰিছ ৰ’কক চৰ সোধোৱাৰ প্ৰায় ৩০ মিনিটৰ পিছতে উইল স্মিথে কিং ৰিচাৰ্ডত কৰা অভিনয়ৰ বাবে অস্কাৰৰ শ্ৰেষ্ঠ অভিনেতাৰ সন্মান লাভ কৰে৷ অকাডেমিৰ ৯৪ বছৰীয়া ইতিহাসত এই সন্মান লাভ কৰা নৱম গৰাকী কৃষ্ণাংগ অভিনেতা হৈছে ইউলস্মিথ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ