লাখৰ ঘৰত নহয়, কোটিৰ ঘৰত, তাকো ১ বা ২ কোটি নহয় প্ৰৱঞ্চকৰ জালত পৰি ৪ কোটি টকা হেৰুওৱাইছে বলিউদৰ এগৰাকী অভিনেত্ৰীয়ে৷
অভিনেত্ৰী গৰাকী হৈছে ৰিমি সেন৷ বুধবাৰে অভিনেত্ৰী ৰিমিয়ে প্ৰৱঞ্চকৰ বিৰুদ্ধে মুম্বাইৰ খেৰ থানাত গোচৰ দাখিল কৰিছে৷ ইতিমধ্যে আৰক্ষীয়ে ভাৰতীয় দণ্ডবিধি আইনৰ ধাৰা ৪২০ আৰু ৪০৯ৰ অধীনত গোচৰটো ৰুজু কৰিছে৷
ঘটনাৰ বিৱৰণীৰ মতে অভিনেত্ৰী ৰিমি চেনৰ পৰা গুৰগাঁৱৰ ৰৌণক যতীন ব্যাস নামৰ ব্যৱসায়ীজনে ব্যৱসায়ত বিনিয়োগৰ বাবে ৪ কোটি টকা লৈছিল৷
লগতে পঢ়ক অসমসহ নাগালেণ্ড, মণিপুৰৰ পৰা AFPSA প্ৰত্যাহাৰ আৰম্ভ কেন্দ্ৰৰ
অভিনেত্ৰীগৰাকীয়ে প্ৰকাশ কৰা মতে ব্যাসে লাভৰ লোভ দেখুওৱাই তেওঁৰ পৰা এই বৃহৎ পৰিমাণৰ ধনখিনি সৰকাই নিছিল৷
কিন্তু ধন দিয়াৰ পিছত আমো নাই ফৰ্মুতিও নাই দৰে অৱস্থা হয় অভিনেত্ৰী ৰিমি সেনৰ৷ ব্যাসে ৰিমি সেনৰ পৰা ধন লৈও কোনো ব্যৱসায় আৰম্ভ নকৰিলে আৰু ধনখিনিও ওভতাই দিয়া নাই৷
অভিনেত্ৰী ৰিমি সেনে তিনি বছৰ পূৰ্বে অন্ধেৰীৰ এখন জিমত ব্যাসক প্ৰথমে লগ পাইছিল৷ তাতে চিনাকি হৈ তেওঁলোকৰ মাজত বন্ধুত্ব গঢ় লৈ উঠে৷ বন্ধুত্ব গঢ়ি উঠাৰ পিছতে ব্যাসে ৰিমি সেনৰ পৰা ব্যৱসায়ত বিনিয়োগ কৰিবলৈ ৪ কোটি টকা লৈছিল৷
লগতে পঢ়ক জঘন্য! ৰক্ষা নপৰিল গৰ্ভৱতী ছাগলীও, ধৰ্ষণ কৰি হত্যা তিনি লোকৰ, এজনক গ্ৰেপ্তাৰ
হাংগামা গাৰ্লৰূপে খ্যাত ৰিমি সেনে বলিউদৰ কেবাখনো জনপ্ৰিয় ছবিত অভিনয় কৰিছে৷ ইয়াৰ ভিতৰত হাংগামা, ফিৰ হেৰাফেৰি, ক্যিঁউ কি, গোলমাল, বাঘৱান, ধুম, গৰম মচলা আদি ছবিও আছে৷
ৰিমিয়ে হিন্দী ছবিৰ লগতে দক্ষিণৰ তেলেগু আৰু বাংলা ছবিটো অভিনয় কৰিছে৷ ৰিমি সেনে টেলিভেশ্যনৰ ৰিয়েলিটি শ্ব’ ‘বিগ ব’ছ ২০১৫’তো অংশগ্ৰহণ কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
