পপষ্টাৰ ছাকিৰাৰ বিবাহ বিচ্ছেদ। ১২ বছৰ সংসাৰ কটোৱাৰ পাছত স্বামী জেৰাৰ্ড পিকিউৰ সৈতে বিবাহ বিচ্ছেদ হয় ৪৫ বছৰীয়া কলম্বিয়ান পপষ্টাৰগৰাকীৰ।
শনিবাৰে এক বিবৃতিযোগে দুয়োৰে বিচ্ছেদৰ কথা ঘোষণা কৰে। বিবৃতিত তেওঁলোকে উল্লেখ কৰে যে ‘আমি বিচ্ছেদ হোৱাটো নিশ্চিত কৰি আমি দুখ পাইছো৷
আমাৰ শিশুসকলৰ মংগলৰ বাবে, যিসকল আমাৰ সৰ্বোচ্চ অগ্ৰাধিকাৰ, আমি (আমাৰ) গোপনীয়তাৰ প্ৰতি সন্মান জনাইছো।’ ছাকিৰা বিশ্বৰ সংগীত জগতৰ অন্যতম জনপ্ৰিয় নাম।
বিক্ৰী কৰিছো ৬ কোটিৰো অধিক এলবাম। বিশেষকৈ ছাকিৰাই কণ্ঠদান কৰা ২০১০ চনৰ ফিফা বিশ্বকাপৰ টাইটেল ছং ৱাকা ৱাকা (দিছ টাইম ফৰ আফ্ৰিকা)ই জনপ্ৰিয়তাৰ শিখৰ চুইছিলগৈ।
জেৰাৰ্ড পিকিউ এগৰাকী ফুটবল তাৰকা। স্পেইনৰ ফুটবল নায়ক ৪৫ বছৰীয়া জেৰাৰ্ড ২০১০ চনৰ বিশ্বকাপ আৰু ২০১২ চনৰ ইউৰোপীয় চেম্পিয়নশ্বিপ জয় কৰাৰ উপৰি বাৰ্চিলোনাৰ সৈতে তিনিবাৰকৈ চেম্পিয়নছ লীগ বিজয়ী হৈছিল।
২০১০ চনত তেওঁৰ “ৱাকা ৱাকা (দিছ টাইম ফৰ আফ্ৰিকা)” মিউজিক ভিডিঅ’ৰ চিত্ৰগ্ৰহণৰ সময়ত দুয়ো প্ৰথমবাৰৰ বাবে চিনাকি হৈছিল। ২০১১ চনত ছাকিৰা আৰু জেৰাৰ্ডৰ সম্পৰ্কৰ কথা ৰাজহুৱা হৈছিল।
তাৰ পিছতে বাৰ্চিলোনাত দুয়ো একেলগে থাকিবলৈ লৈছিল যদিও তেওঁলোকে আনুষ্ঠানিকভাৱে বিবাহপাশত আবদ্ধ হোৱা নাছিল। তেওঁলোৰ জীৱনলৈ আহিছিল দুটিকৈ সন্তান।
২০১৩ চনৰ ২২ জানুৱাৰীত জন্ম পাইছিল প্ৰথম সন্তান মিলানৰ আৰু ২০১৫ চনৰ ২৯ জানুৱাৰীত জন্ম পাইছিল দ্বিতীয় সন্তান ছাছাৰ। কিন্তু বিগত কিছুদিন ধৰি দুয়োৰে সম্পৰ্ত ফাট মেলিছিল।
ইয়াৰ আঁৰত স্বামীৰ পৰকীয়া প্ৰেম। অভিযোগ অনুসৰি ছাকিৰাৰ অগোচৰে এগৰাকী ২০ বছৰীয়া সুন্দৰীৰ সৈতে ডেট কৰে স্বামী জেৰাৰ্ডে।
যাৰ বাবে দুয়োৰে সম্পৰ্কৰ অধিক অৱনতি ঘটে আৰু ছাকিৰাই দুই সন্তানৰ সৈতে অকলে থাকিবলৈ লয়। ইপিনে এক কৰ ফাকিৰ গোচৰতো অভিযুক্ত ছাকিৰা।
চাকিৰাৰ বিৰুদ্ধে ২০১২ চনৰ পৰা ২০১৪ চনৰ ভিতৰত উপাৰ্জন কৰা আয়ৰ পৰা ১৪.৫ মিলিয়ন ইউৰো (১৫.৫ মিলিয়ন ডলাৰ)ৰ ভিতৰত স্পেইনৰ কৰ কাৰ্যালয়ক প্ৰতাৰণা কৰাৰ অভিযোগ উত্থাপন হৈছে। আদালতত গোচৰো চলি আছে।
বিচাৰৰ দিন ওচৰ চাপি অহাৰ এসপ্তাহতকৈ অলপ বেছি সময় থকাৰ সময়তে দম্পতীহালে বিচ্ছেদৰ কথা ঘোষণা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ