জনপ্ৰিয় অভিনেতা প্ৰবীণ কুমাৰ চ’বতীৰ দেহাৱসান৷ বি আৰ চোপ্ৰাৰ ‘মহাভাৰত’ত বিখ্যাত ‘ভীম’ৰ চৰিত্ৰ অভিনয় কৰি দৰ্শকৰ সমাদৰ লাভ কৰিছিল প্ৰবীণ কুমাৰ চ’বতীয়ে৷ ৭৪ বছৰ বয়সত মঙলবাৰে শেষ নিশ্বাস ত্যাগ কৰে অবিনেতাগৰাকীয়ে৷
অভিনয় জগতৰ উপৰি ক্ৰীড়া জগততো বিশেষ পাৰদৰ্শী আছিল প্ৰবীণ কুমাৰ চ’বতী৷ প্ৰবীণ কুমাৰ চ’বতী পূৰ্বে আছিল এগৰাকী এথলীট৷
অলিম্পিকত দেশত দুবাৰকৈ প্ৰতিনিধিত্ব কৰিছিল পঞ্জাৱৰ খেলুৱৈগৰাকীয়ে৷ এছিয়ান গেমছত দুটা সোণৰ পদক, এটা ৰূপৰ আৰু এটা ব্ৰঞ্জৰ পদকে দেশৰ বাবে গৌৰৱ কঢ়িয়াই আনিছিল তেওঁ৷ সেইগৰাকী প্ৰবীণ অভিনেতা তথা খেলুৱৈৰ মৃত্যুত শোকৰ ছাঁ পৰিছে অনুৰাগীৰ মাজত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
