নিগমবোধ ঘাট শ্মশানত মনমোহন সিঙৰ শেষকৃত্যৰ সিদ্ধান্তত আৰম্ভণিৰে পৰাই আপত্তি আছিল কংগ্ৰেছৰ৷ তেওঁলোকৰ প্ৰশ্ন, ইয়াৰ পূৰ্বে দেশৰ কোনো প্ৰাক্তন প্ৰধানমন্ত্ৰীৰ শেষকৃত্য এই শ্মশানত হৈছে নেকি? কংগ্ৰেছৰ দাবী আছিল, যমুনাৰ তীৰত ৰাজঘাটৰ আশেপাশে কোনো মাটি মনমোহন সিঙৰ শেষকৃত্য হওক৷ তাতেই ইন্দিৰা গান্ধী, ৰাজীৱ গান্ধী, অটল বিহাৰী বাজপেয়ীৰো স্মৃতিসৌধ আছে৷ নিগমবোধ ঘাটত শেষকৃত্য হ’লেও সেই স্থানত স্মৃতিসৌধ নিৰ্মাণৰ উপযুক্ত নহয় বুলি দাবী তেওঁলোকৰ৷ স্মৃতিসৌধক লৈ বিতৰ্কৰ মাজতেই শুক্ৰবাৰে নিশা এক বিবৃতি প্ৰকাশ কৰিছে অমিত শ্বাহে৷ তেওঁলোকে জনাই যে কংগ্ৰেছৰ সভাপতি মল্লিকাৰ্জুন খাৰ্গেৰ পৰা মনমোহন সিঙৰ স্মৃতিসৌধ তৈয়াৰৰ বাবে ঠাইৰ অনুমতি বিচৰা হৈছে৷ সেই আবেদন চৰকাৰে গ্ৰহণ কৰিছে৷ কেন্দ্ৰীয় স্বৰাষ্ট্ৰমন্ত্ৰীয়ে এই বিষয়ে মনমোহনৰ পৰিয়াল আৰু খাৰ্গেৰ সৈতে কথাও পাতিছে৷ মনমোহন সিঙৰ পৰিবাৰক জনোৱা হৈছে যে প্ৰাক্তন প্ৰধানমন্ত্ৰীৰ স্মৃতিসৌধৰ বাবে ঠাই ঠিক কৰা হৈছে৷ কিন্তু তাৰ পূৰ্বে শেষকৃত্য কৰাটো জৰুৰী৷ সকলো আনুষ্ঠানিকতা শেষ হওক তাৰপিছত এই কাম আৰম্ভ হ’ব৷ ইয়াৰ বাবে এটা ট্ৰাষ্টো তৈয়াৰ কৰা দৰকাৰ৷ সেই ট্ৰাষ্টকেই ঠাই দেখুৱাই দিব কেন্দ্ৰই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
