EDৰ নজৰত এইবাৰ ৰাহুল গান্ধী৷ কেন্দ্ৰীয় তদন্তকাৰী সংস্থাই এতিয়া তেওঁৰ বিৰুদ্ধে অভিযান চলাবলৈ সাজু হৈছে৷ লোকসভাত তেওঁৰ চক্ৰবেহু মন্তব্যৰ পাছতেই এই পৰিকল্পনা ৰচা হৈছে বুলি সামাজিকমাধ্যম যোগে চাঞ্চল্যকৰ দাবী কৰিছে বিৰোধী দলনেতা ৰাহুল গান্ধীয়ে৷
এক্স হেণ্ডেলত ৰাহুলে লিখিছে, তেওঁলোকৰ দুই এজনে মোৰ চক্ৰবেহু ভাষণটো বৰ এটা ভাল নাপালে৷ সেয়ে তাৰপাছতেই তেওঁলোকে মোক EDৰ দ্বাৰা জেৰা চলাবলৈ সাজু হৈছে৷ EDৰ ভিতৰুৱা সূত্ৰই মোক এই খবৰ দিছে৷ মৰমৰ ED মই হৃদয়েৰে আপোনালোকক লগ কৰিবলৈ সাঁজু হৈছো৷ মোলৈ চাহ বিস্কুট থব৷’
উল্লেখ্য যে, ২৯ জুলাইত সংসদৰ অধিবেশনত ৰাহুলৰ বক্তব্যত শুনা গৈছিল মহাভাৰত, কুৰুক্ষেত্ৰৰ যুদ্ধ আৰু চক্ৰবেহুৰ প্ৰসংগ৷ এই তিনি প্ৰসংগৰ সৈতে দেশৰ বৰ্তমান পৰিস্থিতিৰ সাদৃশ্য আছে বুলি প্ৰসংগত উল্লেখ কৰিছিল ৰাহুলে৷ ৰাহুলে লগতে কৈছিল, ‘মহাভাৰতত যেনেকৈ অভিমূন্যক চক্ৰবেহুত বন্দি কৰি ৬জনে মিলি হত্যা কৰিছিল তেনেকৈয়ে সমগ্ৰ ভাৰতৰ চক্ৰবেহুত বন্দী কৰিছে বিজেপি চৰকাৰে৷’ মোদী চৰকাৰৰ সমালোচনাৰে ৰাহুলে কৈছিল, ‘দেশৰ যুৱক আৰু কৃষকসকলক চক্ৰবেহুত আৱদ্ধ হৈ পৰিছে৷ ২০২৪ ৰ বাজেটৰ একমাত্ৰ লক্ষ্য হ’ল একচেটিয়া পুঁজিবাদ আৰু একচেটিয়া ৰাজনীতিক শক্তিশালী কৰা৷’
https://x.com/RahulGandhi/status/1819106372396765206
সোমবাৰে সংসদত বক্তব্য ৰাখিবলৈ গৈ ৰাহুল গান্ধীয়ে কয়, ‘হাজাৰ বছৰ পূৰ্বে হাৰিয়ানাৰ কুৰুক্ষেত্ৰত অভিমুন্যক চক্ৰবেহুত বন্দী কৰি হত্যা কৰিছিল ৬জনে৷ সেই চক্ৰবেহুক লৈ মই কিছু পঢ়াশুনা কৰিছো৷ জানিব পাৰিছো এই চক্ৰবেহুৰ অন্য নাম হৈছে পদ্ম বেহু৷ পদুমফুলৰ দৰে আকাৰৰ এই চক্ৰবেহু৷ বৰ্তমান একবিংশ শতাব্দীতো এই চক্ৰবেহু তেওঁলোকে তৈয়াৰ কৰিছে৷ এই চক্ৰবেহু দেশৰ কৃষক, অগ্নিবীৰ, পঢ়ুৱৈ, বেকাৰ যুৱকৰ বিৰুদ্ধে তেওঁলোকে গঢ়িছে৷ আজি এই চক্ৰবেহুত দ্ৰোণাচাৰ্য, কৰ্ণ, কৃতবৰ্মা, শকুনি, কৃপাচাৰ্য আৰু অশ্বত্থামাৰ দৰে ৬জন আছে৷ তেওঁলোক হৈছে নৰেন্দ্ৰ মোদী, অমিত শ্বাহ, মোহন ভাগৱত, অজিত ডোভাল, আম্বানী, আদানী৷’
সোমবাৰে সংসদত অবিচি, দলিত ইচ্যুটোও আনিছিল ৰাহুলে৷ জাতিগত লোকপিয়লৰ দাবীত সৰৱ হৈছিল তেওঁ৷ মঙলবাৰে তেওঁক উত্তৰ দিবলৈ গৈ সাংসদ অনুৰাগ ঠাকুৰেও নাম নোলোৱাকৈ ৰাহুলৰ আক্ৰমণ কৰিছিল৷ ভৰা সংসদত অনুৰাগে কৈছিল, ‘যাৰ নিজৰ জাত নাই তেওঁ আকৌ জাতিগত লোকপিয়লৰ কথা কয়৷’ এই মন্তব্যৰ জৱাবত ৰাহুলে কেৱল এমোকোৰা হাঁহিৰে কৈছিল, ‘মোক যিয়েই নকওক মই জাতিগত লোকপিয়লৰ বিল এই সংসদতেই পাছ কৰাম৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
