অসম লাইভ২৪ঃ হাঁড় কপোৱা জাৰৰ মাজতো কেৱল এটা টি-চাৰ্ট পৰিধান কৰিয়েই ‘ভাৰত জোড়ো যাত্ৰা’ অব্যাহত ৰাখিছে ৰাহুল গান্ধীয়ে৷ যাৰ বাবে ৰাহুল গান্ধীৰ ঠাণ্ডা নালাগে নেকি? কিয় কেৱল এটা হাফ টি চাৰ্ট পিন্ধি ঘূৰি ফুৰিছে ৰাহুলে? এনেধৰণৰ বহু প্ৰশ্নৰ সন্মুখীন হৈ আহিছে কংগ্ৰেছ নেতাগৰাকী৷ ইয়াৰ মাজতে জম্মুত ‘ভাৰত জোড়ো যাত্ৰা’ত প্ৰথমবাৰৰ বাবে জেকেট পৰিধান কৰা দেখা গ’ল ৰাহুল গান্ধীয়ে৷
উল্লেখ্য যে, জম্মুৰ বহুকেইটা অঞ্চলত পুৱাৰে পৰা অব্যাহত আছে হিমপ্ৰবাহ৷ যাৰ বাবে জেকেট পৰিধান কৰি যাত্ৰাত অংশ লৈছে ৰাহুল গান্ধীয়ে৷ পৰৱৰ্তী সময়ত তেওঁ জেকেট খুলি বগা টি-চাৰ্টতে পদযাত্ৰা অব্যাহত ৰাখে৷ বৰ্তমানলৈকে ১২৫ দিনীয়া ‘ভাৰত জোড়ো যাত্ৰা’ত ৩,৪০০ কিলোমিটাৰ খোজ কাঢ়িছে ৰাহুল গান্ধীয়ে৷ এই সময়ছোৱাত ৰাহুল গান্ধীয়ে কেৱল টি-চাৰ্ট পিন্ধিয়েই পদযাত্ৰা অব্যাহত ৰাখিছিল৷
ৰাহুল গান্ধীক ঠাণ্ডা নালাগে নেকি সোধা প্ৰশ্নৰ উত্তৰত তেওঁ কৈছিল যে যদি তেওঁৰ ঠাণ্ডা লাগে, তেওঁ গৰম কাপোৰ পিন্ধিব, কিন্তু এতিয়ালৈকে তেওঁৰ ঠাণ্ডাৰ অনুভৱ হোৱা নাই। ৫২ বছৰীয়া কংগ্ৰেছ নেতাজনে ২৬ জানুৱাৰীত জম্মু-কাশ্মীৰৰ ৰামবান জিলাৰ বানিহালত জাতীয় পতাকা উত্তোলন কৰি ২৭ জানুৱাৰীত অনন্তনাগ হৈ শ্ৰীনগৰত প্ৰৱেশ সম্ভাৱনা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
