‘মই চমৎকাৰী বাবা, মাটিৰ ইটা সোণৰ কৰি দিম’- কোটি কোটি টকা লৈ পলায়ন বাবাৰ
বাবাৰ চমৎকাৰ আজিৰ দিনটো হ্ৰাস পোৱা নাই, মিছা বাবাৰ কবলত পৰি কোটি কোটি টকা হেৰুৱালে বহু লোকে। চমৎকাৰী বাবাৰ মাটিৰ ইটা সোণ কৰি দিম বোলা কথাত ভোল গৈ ঠগ খালে বহু লোকে। এতিয়া পলাতক বাবাৰ কতো কোনো সন্ধান নাই।
এই ঘটনা ৰাজস্থানৰ কোটাৰ। নিজকে চমৎকাৰী বাবা আখ্যা দি সকলোফালে দাবি কৰি ফুৰিছিল, ‘মোৰ বিশেষ শক্তি আছে, মই মাটিৰ ইটা সোণৰ কৰি দিব পাৰো।’ এই কথাতেই ভোল গৈছিল বহু লোক। এই ভণ্ড বাবাৰ নাম মংগিলাল মেঘৱাল
ৰাজস্থানৰ কোটা আৰক্ষীয়ে আজিকালি দুৱাৰে দুৱাৰে ঘূৰি ফুৰিছে এজন ভণ্ড বাবা মংগিলাল মেঘৱালৰ সন্ধানত। এই বাবাৰ বিৰুদ্ধে মিছা দাবী কৰি মানুহক প্ৰতাৰণা কৰাৰ অভিযোগ। কোটি কোটি টকা লৈ পলাতক বাবাৰ বিৰুদ্ধে এতিয়ালৈকে ১০ জনতকৈ অধিক লোকে আৰক্ষী অধীক্ষকৰ কাৰ্যালয়ত উপস্থিত হৈ তেওঁৰ বিৰুদ্ধে এজাহাৰ দাখিল কৰিছে। আৰক্ষী বিভাগৰ শীৰ্ষ বিষয়াসকলো বাবাৰ জালত আবদ্ধ বুলি চৰ্চা চলিছে যদিও এতিয়ালৈকে কোনো তথ্য প্ৰকাশ পোৱা নাই।
কোটা গ্ৰাম্যৰ ইটাৱা আৰক্ষী থানাই বাবাৰ সহযোগী চাৰিজনক গ্ৰেপ্তাৰ কৰি জেৰা চলাইছে যদিও যোৱা ৫ দিনৰ পৰা বাবাৰ কোনো সন্ধান পোৱা নাই। অভিযোগ অনুসৰি তেওঁ নিজকে অলৌকিক বাবা বুলি কয় আৰু মানুহক কৈছিল যে তেওঁৰ এটা যাদুকৰী মন্ত্ৰ আছে যাৰ দ্বাৰা তেওঁ মাটিৰ ইটাক সোণৰ ইটালৈ ৰূপান্তৰিত কৰিব। এই অলৌকিকতা ৯ দিনত হব। এনে দাবী কৰি তেওঁ মানুহক আৱদ্ধ কৰি পইচা লৈ পলাই গৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
