অসম লাইভ২৪ঃ প্ৰত্যেকগৰাকী ভাতৃ-ভগ্নীৰ বাবে এই উৎসৱৰ বিশেষ মাহাত্ম্য আছে। ৰাখী বন্ধনত, ভাতৃৰ হাতত ৰাখী বান্ধি ভাতৃৰ দীৰ্ঘায়ু কামনা কৰে ভগ্নীয়ে। ৰাখী বন্ধনত ৰাখীৰ যিমান গুৰুত্ব আছে সমানেই গুৰুত্ব আছে ৰাখীৰ পূজাৰ বাবে ব্যৱহাৰ কৰা সামগ্ৰীসমূহৰো। জ্যোতিষ শাস্ত্ৰ অনুসৰি ৰাখী পিন্ধোৱাৰ সময়ত কিছু উপকৰণ ৰখাটো খুবেই গুৰুত্বপূৰ্ণ। এই সামগ্ৰী অবিহনে অসম্পূৰ্ণ ৰাখী বন্ধন। শাস্ত্ৰ অনুসৰি এই সামগ্ৰীসমূহ ৰাখীবন্ধনত ৰাখিবই। এই সামগ্ৰীসমূহ ৰাখীৰ সৈতে থাকিলেহে লক্ষ্মীৰ আশীৰ্বাদ লাভ কৰিব পাৰি। ৰাখীৰ পুজা কৰোতে কাঁহিত কি কি ৰাখিব?
সেন্দুৰৰ তিলক
ৰাখী পুজাৰ কাঁহিত সেন্দুৰ বা কুমকুম ৰাখিবলৈ নাপাহৰিব। সেন্দুৰক লক্ষ্মীৰ প্ৰতীক বুলিও কোৱা হয়। ভাতৃক ফোঁট দিওতে সেন্দুৰৰ তিলক দিবলৈ নাপাহৰিব। ইয়াৰ ফলত ভাতৃৰ জীৱনত কাহানিও অৰ্থৰ অভাৱ নহয়।
চন্দন
ভাতৃৰ মূৰত চন্দন লগালে ভাতৃয়ে বিষ্ণু আৰু গণেশৰ আশীৰ্বাদ লাভ কৰিব। চন্দন লগালে ভাতৃৰ মন শান্ত হয় বুলি শাস্ত্ৰত উল্লেখ আছে। ধৰ্ম-কৰ্মৰ প্ৰতি তেওঁ আকৰ্ষিত হৈ থাকিব। ভাতৃয়ে অন্য নাৰীৰ প্ৰতিও দায়বদ্ধশীল হ’বৰ বাবে এই দিনটোতেই প্ৰতিজ্ঞাবদ্ধ হ’ব লাগে বুলি শাস্ত্ৰত উল্লেখ আছে।
অখণ্ড চাল
হিন্দু ধৰ্মত কোনো শুভ কামত অক্ষত বা অখণ্ড চাল অপৰিহাৰ্য উপকৰণ। ৰাখীৰ কাঁহিত চাল থবলৈ ভুলতো নাপাহৰিব। অক্ষচক সম্পূৰ্ণতাৰ প্ৰতীক বুলি কোৱা হয়। অখণ্ড চাল ব্যৱহাৰ কৰিলে শিৱৰ আশীৰ্বাদ পোৱা যায়। তিলক লগোৱাৰ পাছত চাল লগাবলৈ নাপাহৰিব। অক্ষত চালে ভাতৃৰ দীৰ্ঘায়ুৰ লগতে সমৃদ্ধিতো সহায় কৰে।
ৰাখী বান্ধিলে সম্পন্নতাৰ আগমন হয়
ৰাখী বান্ধিলে ভাতৃৰ জীৱন সমৃদ্ধিৰে ভৰি পৰে। ভগ্নীৰ আশীৰ্বাদে ভাতৃৰ জীৱনত সুখ আৰু সমৃদ্ধি বৃদ্ধি কৰে। ভাতৃৰ জীৱনত যাতে কোনো অসুবিধা নাহে তাৰবাবে ভগ্নীয়ে ৰাখী বান্ধে।
ভাতৃৰ আৰতি কৰিবলৈ নাপাহৰিব
ৰাখীৰ পুজাৰ কাঁহিত প্ৰদীপ থবলৈ নাপাহৰিব। প্ৰদীপত অগ্নিদেৱতাই বাস কৰে। অগ্নিক শক্তি বা প্ৰাণৰ প্ৰতীক বুলি কোৱা হয়। প্ৰদীপ প্ৰজ্জ্বলিত কৰিলে নেতিবাচক শক্তিৰ প্ৰভাৱ দূৰ হয়। ৰাখী বান্ধি সেয়ে আৰতি কৰিবলৈ নাপাহৰিব। এনেকৈ আৰতি কৰিলে ভাতৃৰ ওপৰত থকা নেতিবাচক সকলো শক্তিৰ প্ৰভাৱ আঁতৰি যায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
