উত্তৰাখণ্ডৰ ৰামনগৰত এক চাঞ্চল্যকৰ ঘটনা৷ তাতেই এগৰাকী HIV সংক্ৰমিত কিশোৰীয়ে ১৭ মাহত প্ৰায় ২০ যুৱকক বিলাইছে AIDS, শৰীৰ দুৰ্বল হৈ পৰাৰ বাবে হাস্পতাললৈ যোৱা যুৱককেইজনক পৰীক্ষা কৰাৰ পাছতেই আটাইকেইজনৰ শৰীৰতেই ধৰা পৰিছে HIV পজিটিভ৷
ঘটনাটো ৰামনগৰৰ গুলাৰঘট্টি এলেকাৰ৷ এইছ আই ভি পজিটিভ যুৱকৰ কাউন্সেলিঙৰ সময়ত এগৰাকী কিশোৰীৰ নামেই যুৱককেইজনে লয়৷ সূত্ৰই প্ৰকাশ কৰামতে কিশোৰীগৰাকীৰ মাদকৰ প্ৰতি আসক্তি আছে৷ আৰু টকাৰ বাবে তেওঁ যুৱকৰ সৈতে শাৰীৰিক সম্পৰ্ক স্থাপন কৰে৷
নাইনিতাল জিলাচ বিগত কেইবা বছৰ HIV পজিটিভ কেছ বাঢ়িব ধৰিছে৷ যাৰ মাজত ৰামনগৰতেই সকলোতকৈ বেছি HIV কেছ দেখা গৈছে৷ তাতেই বিগত ১৭ মাহত ৪৫জন এইছ আই ভি পজিটিভ ধৰা পৰিছে৷ এপ্ৰিল ২০২৩ৰ পৰা মাৰ্চ ২০২৪ পৰ্যন্ত এবছৰত ২৬গৰাকী নতুন ৰোগী পোৱা গৈছে৷ ইয়াৰপাছতেই এপ্ৰিলৰ পৰা অক্টোবৰ পৰ্যন্ত ১৯গৰাকী এইছ আই ভি সংক্ৰমিত হৈছে৷ ইয়াৰ মাজতেই ৩০গৰাকী পুৰুষ আৰু ১৫গৰাকী মহিলা৷
এই ৩০ পুৰুষৰ ২০ যুৱকেই এগৰাকী কিশোৰীৰ পৰাই সংক্ৰমিত হোৱা বুলি তথ্য প্ৰকাশ পাইছে৷ ৰামনগৰৰ গুলাৰঘট্টি এলেকাৰ এগৰাকী দৰিদ্ৰ পৰিয়ালৰ ১৭ বছৰীয়া কিশোৰীৰ তথ্য পোহৰলৈ আহিছে এই ৰোগৰ আঁৰত৷ তেওঁৰ মাদকৰ প্ৰতি আসক্তি আছে৷ যেতিয়াই ধনৰ প্ৰয়োজন হয় তেতিয়াই ঘৰলৈ যুৱকক মাতে৷ বিভিন্ন যুৱকৰ সৈতে ধনৰ বিনিময়ত সম্পৰ্ক স্থাপন কৰে৷ কিশোৰীগৰাকী যে HIV পজিটিভ সেই কথা জনা নাছিল তেওঁৰ সৈতে সম্পৰ্ক স্থাপন কৰা কোনো এজন যুৱকেই৷ যৌন সম্পৰ্কৰ ফলতেই আটাইকেইজন যুৱক এতিয়া এইছ আই ভি পজিটিভ বুলি কাউন্সেলিংৰ পাছত চিকিৎসকে প্ৰকাশ কৰিছে তথ্য৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
