মেট্ৰিক পৰীক্ষা দি ঘৰ নাপালেগৈ তিনি পৰীক্ষাৰ্থী, ভয়ংকৰ পথ দুৰ্ঘটনা
মেট্ৰিক পৰীক্ষা দি ঘৰলৈ উভতাৰ পথত তিনি ছাত্ৰৰ সৈতে ভয়ংকৰ পথ ঘটনা। এখন পালছাৰ বাইকেৰে পৰীক্ষা কেন্দ্ৰৰ পৰা ঘৰলৈ বুলি উভতি অহাৰ পথত দুৰ্ঘটনাত পতিত তিনি বন্ধু।
বাটতে ভয়ংকৰ পথ দুৰ্ঘটনাত প্ৰাণ হেৰুৱালে তিনি বন্ধুৰ এজন ছাত্ৰই। আন দুজন ছাত্ৰক সংকটজনক অৱস্থাত চিকিৎসালয়ত ভৰ্তি । ঘটনাৰ পাছতেই হাহাকাৰ পৰিস্থিতি।
চাৰিদুৱাৰৰ অসম অৰুণাচল সীমান্তৱৰ্তী শালবাৰীত সংঘটিত হৈছে এই ভয়ংকৰ পথ দুৰ্ঘটনা। আজি মেট্ৰিকৰ অসমীয়া বিষয়ৰ পৰীক্ষা দিবলৈ বুলি ঘৰৰ পৰা একেলগে ওলাই গৈছিল ৩ বন্ধু। কিন্তু পৰীক্ষা দি উভতি অহাৰ পথতে ৰৈ আছিল মৃত্যু।
চাৰিদুৱাৰৰ চেঙেলীমাৰীত পৰীক্ষা কেন্দ্ৰৰ পৰা পৰীক্ষা দি ওভতিছিল আটাইকেইজন। ভালুকপুঙৰ নিজ ঘৰলৈ বাইকেৰে গৈ আছিল ছাত্ৰকেইজন।
কিন্তু অচিনাক্ত বাহনৰ খুন্দাত ঘটনাস্থলীতে তেনজিং গয়াৰী নামৰ ছাত্ৰজনৰ মৃত্যু। আনহাতে সংকটজনক অৱস্থাত ৰিন্দা বসুমতাৰী আৰু ৰিংচা নাৰ্জাৰী।
জানিব পৰা মতে, ভালুকপুঙৰ লালবাহাদুৰ শাস্ত্ৰী উচ্চ মাধ্যমিক বিদ্যালয়ৰ ছাত্ৰ আছিল তিনিওবন্ধু। AS-12-AF-4023 নম্বৰৰ বাইকেৰে গৈ আছিল ছাত্ৰকেইজন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
