গাড়ীৰ পাছে পাছে দৌৰি আছিল অনুৰাগী, তেনেতে হিটমেনে কৰিলে আচৰিত কাম
ভাৰত আৰু নিউজিলেণ্ডৰ মাজত তিনিখন মেচৰ টেষ্ট শৃংখলা চলি আছে। ১৬ অক্টোবৰ বুধবাৰৰ পৰা বেংগালুৰুৰ এম চিন্নাস্বামী ষ্টেডিয়ামত শৃংখলাৰ প্ৰথমখন খেল আৰম্ভ হোৱাৰ কথা আছিল পাছে বৰষুণে বিধি পথালি দিয়াত আজি ১৭ অক্টোবৰ তাৰিখে হয় খেলখন।
কালি অনুষ্ঠিত হব লগা খেলখনৰ প্ৰথম দিনাই ধাৰাসাৰ বৰষুণৰ বাবে টছ নকৰাকৈয়ে দিনটো শেষ কৰিবলগীয়া হৈছিল। ইফালে ভাৰতীয় অধিনায়ক ৰোহিত শৰ্মাৰ এজন অনুৰাগীৰ ভিডিঅ’ ছচিয়েল মিডিয়াত অতি দ্ৰুতগতিত ভাইৰেল হৈ আছে।
ভিডিঅ’টোত ভাৰতীয় অধিনায়কগৰাকীৰ গাড়ীৰ পিছফালে এজন অনুৰাগী দৌৰি থকা দেখা গৈছে। তেতিয়া ৰোহিত শৰ্মাই সেই অনুৰাগীৰ বাবে গাড়ীখন ৰখাই দিলে। ভিডিঅ’টোত দেখা গৈছে যে অনুৰাগীয়ে ৰোহিত শৰ্মাক দেখাৰ লগে লগে তেওঁ গাড়ীৰ পিছফালে দৌৰিবলৈ আৰম্ভ কৰে।
https://x.com/CricCrazyJohns/status/1846607295532486717
অনুৰাগীক তেনেদৰে বাহনৰ পাছে পাছে দৌৰি থকা দেখি ৰোহিত শৰ্মাই গাড়ীখন ৰখাই দিয়ে। গাড়ী ৰখাই দিয়াৰ পিছত ৰোহিতে সেই অনুৰাগীৰ সৈতে চেলফি লয়। ত্ৰিৰংগ ৰঙত দেখা যায় হিটমেনৰ অনুৰাগীগৰাকীক। ইয়াৰ বাহিৰেও অনুৰাগীৰ পিঠিত লিখা আছিল ‘ভাৰত’, ‘ৰোহিত’ আৰু ‘৪৫’।
বেংগালুৰুত চলি থকা ভাৰত-নিউজিলেণ্ড টেষ্টৰ প্ৰথম দিনটো বৰষুণৰ বাবে অনুষ্ঠিত হোৱা নাছিল। প্ৰথম দিনটো টছ বল নকৰাকৈয়ে শেষ কৰিবলগীয়া হয়। এতিয়া দ্বিতীয় দিনতো বৰষুণৰ সম্ভাৱনা আছে, যদিও খেল আৰম্ভ হৈছে। টছত জয়ী হৈ ভাৰতে প্ৰথমে বেট ধৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
